Levitico 26:43 - Maung A Balita Biblia

⁴³ Balet nakaukolan nin say dalin et naandian na totoo pian makapampainawan sigput, tan saray totoo et bayaran da niy impangipolisay dad saray ganggan ko tan saray bilin ko.

Maung a Balita Biblia

⁴³ Balet nakaukolan nin say dalin et naandian na totoo pian makapampainawan sigput, tan saray totoo et bayaran da niy impangipolisay dad saray ganggan ko tan saray bilin ko.

Levitico 26:43 Referans Kwoze

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

Levitico 26:15

No ag yo onuren iray ganggan tan saray bilin ko tan deralen yoy impisipanan kod sikayo,

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Amos 5:10

Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Daniel 9:14

O Katawan a Dios mi, akaparaan ka la nen saman a manusad sikami, et dinusa mo kamin tua, lapud matonung lawas so gagawaen mo, tan ag mi ka dinengel.

Jeremias 31:19

Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.’

Isaias 26:16

Dinusam iray totoom, Katawan, tan diad paniirap da nampikasi rad sika.

Saray Salmo 119:75

Amtak, Katawan, a maptek iray sintinsiam; amtak met a dinusa mo ak ta matoor ka.

Saray Salmo 119:71

Pankaabigan ko so impakadusak, ta naaral ko lalaingen iray ganggan mo.

Saray Salmo 119:67

Kasakbayan na impanusam ed siak, maoges so kagagawak, balet natan oonuren koy salitam.

Saray Salmo 50:17

Ag yo labay so pamepetek kod sikayo, ipopolisay yo ray ganggan ko.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Say Libro nen Job 5:17

Maliket so toon pepeteken na Dios! Ag mo liliknaen no dusaen to ka.

2 Saray Awaran 33:12

Nampaabeba nen maniirap, inmasingger ed Katawan a Dios to, insan kinmerew na tulong.

Levitico 26:41

tan anagyat ed siak ya onsumpad sikara tan mangibantak ed sikara diad dalin na saray kalaban da. Diad ontan, no saray kabyangay boleg yo et apaabeba la ra tan abayaran da la ray kasalanan da tan say insumlang da,

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Levitico 26:11

Manayam ak ed kawalaan yo diad masanton Tuldak tan ag ta kayon balut ipolisay.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”