Levitico 26:37 - Maung A Balita Biblia

³⁷ Mantatabunan kayod katumba yo ya anggan anggapoy onoosil ed sikayo, tan ag yo nalabanan iray kalaban yo.

Maung a Balita Biblia

³⁷ Mantatabunan kayod katumba yo ya anggan anggapoy onoosil ed sikayo, tan ag yo nalabanan iray kalaban yo.

Levitico 26:37 Referans Kwoze

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Jeremias 37:10

Anggaman a natalom ya amin iray sondalo na Babilonia, ta pian saray nakeraan labat ed sikara et saray sugatan a mandokdokul ed dalem na saray tulda ra, sarayan totoo et looban da ni yan siudad, insan da poolan.”

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Saray Huis 7:22

Legan a papaknulen na saray totoo nen Gedeon so trumpita ra, impanlalaban na Katawan ira may sondalo na kalaban; nandodoyukan iray ispada. Binmatik iran amaarap ed Cerera ya anggad Bet-sita, anggad baley na Abel-mehola ya asingger ed Tabata.

Saray Bilang 14:42

Ag kayo ontutuloy. Ag kayo olupen na Katawan, tan taloen kayo na saray kalaban yo.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Jeremias 6:21

Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.”

Jeremias 46:16

Nipatakba tan atumba ray sondalo yo; balang sakey kuantod sakey tan sakey, ‘Ganatan yo! Onsempet itayo lad saray totoo tayo, pian napaliisan tayoy ispada da ray kalaban!’

Nahum 3:3

Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton— nataktakbaan ira na saray totoo.

1 Samuel 4:2

Dinmogpa ray Filisteo, tan kayariy pinasyan laban, tinalo da ray Israelita tan pinatey dad lawak na bakalan so sakey ya apat a libon lalaki.