Levitico 26:32 - Maung A Balita Biblia

³² Sigput kon deralen so dalin yo kanyan nikelawan iray kalaban yon manayam diman.

Maung a Balita Biblia

³² Sigput kon deralen so dalin yo kanyan nikelawan iray kalaban yon manayam diman.

Levitico 26:32 Referans Kwoze

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Jeremias 19:8

Iyakar kod sayan siudad so onyan makapasinagem a deral pian balang sakey ya ondalan et natalagnaw tan nikelawan.

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Jeremias 25:18

Apainom so Jerusalem tan amin a baley ed Juda, pati saray arari tan saray pangulo na Juda, pian magmaliw iran bunton na dera-deral; makapataktakot tan makapasinagem iran nengnengen, tan saray totoo ikana ran sakey a samba so ngaran da a singa gagawaen da ni. (Onya natan so agawad sikara.)

1 Saray Arari 9:8

Bontun na saray deral-deral so pagmaliwan na sayan Timplo, tan nabiglaan tan nikelawan so siopaman ya ondalan. Tepetan da, ‘Akin et ginawa na Katawan so onya ed sayan dalin tan diad sayan Timplo?’

Deuteronomio 28:37

Diad saray bansan pangitayakan ed sikayo na Katawan, saray totood man et nikelawan ira ed agawad sikayo; ludlureyen tan balbalawen da kayo.

Lucas 21:20

“No nanengneng yon aliber na sondalo so Jerusalem, amta yo lan asingger lay kaderal to.

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,

Daniel 9:18

Dengel mo kami pa, O Dios; nengneng mo kami tan imanom so gunigon mi tan say paniirap na siudad ya atawag ed ngaran mo. Mampipikasi kamid sika, aliwan lapud matonung kami no ag ingen lapud mapangasi ka.

Daniel 9:2

Nen ononan taon na panooley to siak, si Daniel, inaral ko ray masanton libro tan ninunot koy nipaakar ed pitomploy taon a kaderal na Jerusalem, onung ed imbaga na Katawan ed kinen propita Jeremias.

Saray Tagleey 5:18

lapud anggapo lay onkitakitaw a too ed Palandey na Sion, tan saray asod katakelan so akar-akar lad saray deral-deral to.

Saray Tagleey 4:12

Anggapoy siopaman ed anggan iner a pasen, anggan saray manoley ed saray arum a bansa, so anisian walay kalaban a makaloob ed saray puirta na Jerusalem.

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 44:2

Inkuan na Katawan a Makapanyarin-amin a Dios na Israel, “Sikayon dili so akanengneng ed deral ya inyakar ko ed Jerusalem tan diad saray arum a siudad na Juda. Aderal ni ra ya anggad natan, tan anggapoy manaayam ed sikara,

Jeremias 25:38

Inkaindan na Katawan iray totoo to a singa lion ya ontataynan ed ongib to. Nagmaliw a kalawakan so bansa ra lapud baleg a bakal tan lapud mapalalon petang na olo na Katawan.

Isaias 64:10

Singa kabueran iray siudad mo; ataynan ya aderal-deral so Jerusalem,

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Isaias 5:9

Nadngel kon ibabaga na Katawan a Makapanyarin-amin, “Amin da ra yan ankakabaleg tan mararakep a kaabungan et naderal ira tan ag la ra natoowan.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Jeremias 12:11

Ginawa ran andi-kakanaan so dalin ko; nagmaliw a begtebegtew ed imaton ko. Nagmaliw a kabueran so intiron bansak, tan anggapo lay malabay ed sayan dalin ko.

Jeremias 33:10

Inkuan na Katawan, “Ibabaga na saray totoo a sayan pasen et singa kalawakan ya anggapoy too o ayep a manaayam. Tuay ibabaga ra ya anggapoy kabaliksan iray baley na Juda tan saray dalan na Jerusalem; anggapoy manaayam a too o ayep ed sikara. Balet diad sarayan pasen narengel yo lamet