Levitico 26:17 - Maung A Balita Biblia

¹⁷ Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Maung a Balita Biblia

¹⁷ Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Levitico 26:17 Referans Kwoze

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Levitico 17:10

No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.

1 Samuel 31:1

Saray Filisteo binakal da ray Israelita diad Palandey na Gilboa. Amayamay iray inaatey ya Israelita balet akabatik iray arum.

1 Samuel 4:10

Akilaban iray Filisteo; atalo ray Israelita tan kibatiktik irad kaabungan da. Amayamay a maung so inaatey: talomplon libon Israelitan sondalo so inaatey.

Genesis 4:12

No ondalus ka, anggapoy naanim; magmaliw kan anggapoy abung tan akar-akar ka diad tapew na dalin.”

Josue 7:4

Kanyan sakey a talon libon Israelita so dinmogpa, balet apasoot iran sinmener.

1 Saray Arari 8:33

“No atalo na saray kalaban da iray totoom ya Israelita lapud nankasalanan irad sika, insan ira ompawil ed sika tan mampikasi rad sika diad sayan Timplo, ta onkerew iray pirdona,

Saray Salmo 44:10

Inabuloyan mon imbatikan mi ray kalaban mi, kanyan inaala da ray kayaryan mi.

Jeremias 44:11

“Kanyan siak, say Katawan a Makapanyarin-amin a Dios na Israel, sumpaen ta kayo tan deralen koy intiron Juda.

Ezekiel 15:7

insan ko ra dusaen. Apaliisan da lay sakey ya apoy, balet natan poolan ira na kumadwan apoy. No dusaen ko ra, naamtaan mo a siak so Katawan.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Saray Huis 3:14

Labinwaloy taon a walad silong na pakaoley nen Eglon iray Israelita.

Saray Huis 6:2

Mabiskeg ni ray Madianita nen saray Israelita, et kiamut-amut ed ongib iray Israelita tan diad saray arum a pasen ed kapokdulan ya arawid kaatapan.

1 Samuel 12:15

Balet no ag yo dengelen so Katawan no ag ingen sumlangen yo ray ganggan to, sumpaen to kayo tan say ari yo.

2 Saray Arari 13:3

Lapud saya, akapasnuk ed Israel so Katawan, kanyan inabuloyan toy Hazael na Siria tan si anak ton laki a si Ben-hadad a tinalo ran amimpiga so Israel.

2 Saray Arari 13:7

Anggapoy nakdaan a sondalo nen Joacaz likud labat ed saray limamplon kumakabayo, samploran karwahi, tan samplon libon sondalo, ta dinederal na ari na Siria iray arum; ginagatinan da ran singa dabuk.

Saray Salmo 53:6

Oy la komun ta nagamuran la na Israel so pananalo a manlalapud Sion! Ontan lay panliket na saray totood Israel no paaligwasen ira lamet na Katawan.

Isaias 30:17

Ombatik, so sanlibod sikayo no nanengneng yoy sakey a sondalon kalaban, et masarag lay limaran sondalo a mamabatik ed sikayon amin. Anggapoy natilak ed saray sondalo yo likud ed begbegtew a bandira ya akabitin ed sakey a tiken a walad tapew na pokdul.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Saray Tagleey 2:4

Singa kalaban ya impaarap toy pana tod sikatayo; Pinatey ton amin iray ikikinon tan panliliketan tayo. Anggan diad Jerusalem alikna tayoy manliub a pasnuk to.