Levitico 26:13 - Maung A Balita Biblia

¹³ Siak a Katawan a Dios et impaway to kayo manlapud Egipto pian ag ka yo la naaripen. Pinoter koy pakayarin angitelmer ed sikayo tan inabuloyan ta kayon manakar a maptek so kaoloan.”

Maung a Balita Biblia

¹³ Siak a Katawan a Dios et impaway to kayo manlapud Egipto pian ag ka yo la naaripen. Pinoter koy pakayarin angitelmer ed sikayo tan inabuloyan ta kayon manakar a maptek so kaoloan.

Levitico 26:13 Referans Kwoze

Ezekiel 34:27

Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.

Saray Salmo 116:16

Siak so aripen mo, Katawan; lilingkuran ta kan singa impanlingkur nen inak. Impaliis mo ak ed patey.

Levitico 25:38

Sikato yay ganggan na Katawan a Dios yo ya angipaway ed sikayo manlapud Egipto ta iter tod sikayoy dalin na Canaan tan magmaliw a Dios yo.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Levitico 25:55

Ag nayarin naaripen ya anggad angga so sakey ya Israelita lapud saray totood Israel et aripen ira na Katawan. Impaway to ra manlapud Egipto; sikato so Katawan a Dios da.

Isaias 51:23

Iter ko lad saray nampapairap ed sikayo, saray amarokul ed sikayo ed saray dalan, insan da kayo ginagatinan a singa kayo dotak.”

Levitico 25:42

Saray Israelita et aripen ira na Katawan, tan impaway to ra manlapud Egipto; ag ira nepeg ya ilakon aripen.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Oseas 11:4

Sinayakop ko rad panangaro tan panangasi. Inalsak ira tan inampupok irad taklay ko; Yinmuyuko ak ya amakan ed sikara.

Exodo 14:8

Pinaawet na Katawan so puso na ari, kanyan inosilan to ray Israelita a sipapalabo ran ontataynan.

Isaias 9:3

Initdan mo ray baleg a gayaga, Katawan; impagmaliw mo ran maliket. Magayaga ra lapud saray ginagawam; singa saray totoon maliket no manaani ra, odino singa ra saray manaapag na asamsam dan kayamanan.

Jeremias 28:2

a say Katawan a Makapanyarin-amin, say Dios na Israel, et inkuanto, “Dineral koy pakayari na ari na Babilonia.

Jeremias 28:4

Ipawil ko met diay lakin anak nen Joakim a si Joakin ya ari na Juda. Kaiba ton ompawil iray amin a totood Juda a nibantak ed Babilonia. On, deralen koy pakayari na ari na Babilonia. Siak, say Katawan, so nansalita.”

Nahum 1:13

Panganggaen ko la natan so panooley ed sikayo na Asiria tan paksoten ko lay golunggolung a nisinger ed sikayo.”