Levitico 25:5 - Maung A Balita Biblia

⁵ Ag yo anggan aanien iray trigon tinmubon bukor, tan ag yo boborboren so bunga na saray kaubasan ya ag yo pinotutan so wakawakal da; sikatoy taon a pampainawan sigput na dalin.

Maung a Balita Biblia

⁵ Ag yo anggan aanien iray trigon tinmubon bukor, tan ag yo boborboren so bunga na saray kaubasan ya ag yo pinotutan so wakawakal da; sikatoy taon a pampainawan sigput na dalin.

Levitico 25:5 Referans Kwoze

Isaias 37:30

Insan inkuanen Isaias ed kinen Ari Ezekias, “Niay sakey a pakapatnagan ed sakey a nagawa. Diad sayan taon tan diad ontombuk a taon, trigon balang labat so naakan yo, balet diad ontombuk a taon nayarian yo lay mantanem na trigo tan naani yo; makapantanem kayo met na saray ubas tan makapangan kayo na saray bunga ra.

2 Saray Arari 19:29

Insan inkuanen Isaias ed kinen Ezekias, “Niay sakey a pakapatnagan ed sakey a nagawa. Diad sayan taon tan diad ontombuk a taon, bungay tanaman a balang labat so naakan yo, balet diad onsoblay a taon nayarian yo lay mantanem na saray trigo tan naani yo, tan makapantanem kayo met na ubas tan makapangan kayo na bunga ra.

Levitico 25:4

Balet say kumapiton taon, sikatoy taon a pampainawan sigput na dalin, say taon a nisaklang ed Katawan. Ag yo tataneman iray kaalogan yo odino popotutan so wakawakal na saray kaubasan yo.

Levitico 25:6

Anggaman ya ag adalusan so dalin ed satan a taon, itdan to kayo na kanen yo, saray aripen yo, saray uupaan yon totoo, saray sangkailin manaayam ed sikato,

Levitico 25:11

Ag yo nepeg a taneman iray kaalogan yo odino anien iray trigon tinmotubun bukor; ag yo met boborboren so bunga na saray kaubasan ya ag yo pinotutan so wakawakal da.