Levitico 25:20 - Maung A Balita Biblia

²⁰ Nayarin walay mantepet no antoy pambilay yo legan na kumapiton taon, ag taneman iray kaalogan tan ag borboren iray bungay tanaman.

Maung a Balita Biblia

²⁰ Nayarin walay mantepet no antoy pambilay yo legan na kumapiton taon, ag taneman iray kaalogan tan ag borboren iray bungay tanaman.

Levitico 25:20 Referans Kwoze

Lucas 12:29

Kanyan ag kayo mapagpaga lawas no antoy kanen tan inomen yo.

Levitico 25:4

Balet say kumapiton taon, sikatoy taon a pampainawan sigput na dalin, say taon a nisaklang ed Katawan. Ag yo tataneman iray kaalogan yo odino popotutan so wakawakal na saray kaubasan yo.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

2 Saray Awaran 25:9

Tinepet nen Amasias ed samay propita, “Antoy gawaen kod samay imbayar kon pilak ed sikara?” Inmebat imay propita, “Nayarian na Dios ya ipawil ed sika so masoluk ni nen say saman!”

Saray Bilang 11:13

Iner so pakalaan koy karnin para sarayan amin a totoo? Mikakasi ra lawas ya onkerew ed siak na karni.

Saray Bilang 11:4

Wala ray sangkailin kaolup na saray Israelita diad pankukurang ra. Nampilpilalekan day makasira na karni, tan anggan saray dilin Israelita nanriklamo ra: “Oy la komun ta makasira itayo la na karni!

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

Levitico 25:6

Anggaman ya ag adalusan so dalin ed satan a taon, itdan to kayo na kanen yo, saray aripen yo, saray uupaan yon totoo, saray sangkailin manaayam ed sikato,

Levitico 25:19

Say dalin mangiter na bunga to tan nawalaan kayo na amin a labay yon kanen tan mambilay kayod man ya arawid kaatapan.