Levitico 25:19 - Maung A Balita Biblia

¹⁹ Say dalin mangiter na bunga to tan nawalaan kayo na amin a labay yon kanen tan mambilay kayod man ya arawid kaatapan.

Maung a Balita Biblia

¹⁹ Say dalin mangiter na bunga to tan nawalaan kayo na amin a labay yon kanen tan mambilay kayod man ya arawid kaatapan.

Levitico 25:19 Referans Kwoze

Joel 2:26

Amayamay natan so naakan yo, tan napenek kayo. Idayew yo so Katawan a Dios yo, a nanggagawad sikayo na saray makapakelaw a bengatla. Ag lan balut napabaingan iray totook.

Saray Salmo 85:12

Say Katawan paaligwasen to itayo, tan say dalin tayo mambungay daakan.

Levitico 26:5

Diad karakel na bungay tanaman yo; manaani kayo ni anta panaon lay panagborbor na ubas, tan mamboborbor kayo niy ubas, anta panaon lay panagtanem na trigo. Nawalaan kayo na amin a labay yon kanen, tan mambilay kayon arawid kaatapan ed dalin a panayaman yo.

Joel 2:24

Napano na trigo so panagilikan; onlepwad alak tan larak na oliba iray abut ya abay na saray panagpespesan.

Ezekiel 36:30

Parakelen koy bunga na saray kakiewan yo tan say naani ed kaalogan yo, pian anggapo la ray ondalan ya eras a makasengeg na pakapelagan yod kababaingan ed saray bansa.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Saray Salmo 67:6

Say dalin angiter na ani; say Dios a Dios tayo binindisionan to itayo.

Levitico 25:18

Onur yoy amin a ganggan tan bilin na Katawan, pian mambilay kayon arawid kaatapan ed dalin a panayaman yo.

Levitico 25:20

Nayarin walay mantepet no antoy pambilay yo legan na kumapiton taon, ag taneman iray kaalogan tan ag borboren iray bungay tanaman.

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Levitico 26:6

“Itdan ta kayo na kareenan ed dalin yo, kanyan makaogip kayo ya anggapoy manigensigen ed sikayo. Paandipaten kod man iray masebeg ya ayayep ed takel, tan naandi lad may bakal.

Deuteronomio 12:10

No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

1 Saray Arari 5:5

Insipan na Katawan ed kinen amak a David, ‘Say anak mon laki ya isalat kod sikan manari so mangipaalagey na timplo a para siak.’ Peteg a ginetmak la natan sirin so mangipaalagey na Timplon pangigalangan ed Katawan a Dios ko.

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Isaias 1:19

No onuren yo ak, kanen yo ray maabig a bengatlan bungay dalin.