Levitico 25:18 - Maung A Balita Biblia

¹⁸ Onur yoy amin a ganggan tan bilin na Katawan, pian mambilay kayon arawid kaatapan ed dalin a panayaman yo.

Maung a Balita Biblia

¹⁸ Onur yoy amin a ganggan tan bilin na Katawan, pian mambilay kayon arawid kaatapan ed dalin a panayaman yo.

Levitico 25:18 Referans Kwoze

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Deuteronomio 12:10

No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Saray Salmo 4:8

No ondokul ak, mareen so pakaogip ko, ta sika labat, Katawan, so mangyaarawid siak ed kaatapan.

Ezekiel 33:29

No dusaen ko ray totoo lapud saray kasalanan da tan pagmaliwen kon andi-kakanaan so dalin da, naamtaan dad satan a siak so Katawan.”

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

Saray Salmo 103:18

diad saray matoor ed impisipanan to tan mangoonur na saray ganggan to.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.

Deuteronomio 33:12

Nipaakar ed tribu nen Benjamin inkuanto: “Sikato yay tribu ya inaro na Katawan tan iyaagel to; Guaguardiaan to ran sanagew Tan manaayam ed pegley da.”

Levitico 19:37

Sumpal yo ray amin a ganggan ko tan saray bilin ko. Siak so Katawan.”

Jeremias 25:5

Imbabaga rad sikayo a benegan yo ray maoges a panagbilay yo tan kaindanan yo ray maoges a gagawaen yo, pian nayarian yoy manayam ya ando lan ando ed dalin ya inter na Katawan ed sikayo tan saray lalaki yo.

Levitico 25:19

Say dalin mangiter na bunga to tan nawalaan kayo na amin a labay yon kanen tan mambilay kayod man ya arawid kaatapan.

Levitico 19:19

“Onur yo ray ganggan ko. Ag yo pakakastaan so sakey ya ayep ed doman ayep. Ag kayo mantatanem na duaran nandomaan a bokel ed sakey ya alog. Ag kayo mangisosolung na kawes ya inabel ed duaran klasiy tinebey.

1 Saray Arari 5:5

Insipan na Katawan ed kinen amak a David, ‘Say anak mon laki ya isalat kod sikan manari so mangipaalagey na timplo a para siak.’ Peteg a ginetmak la natan sirin so mangipaalagey na Timplon pangigalangan ed Katawan a Dios ko.