Levitico 23:17 - Maung A Balita Biblia

¹⁷ Kapag pamilya mangyakar na duaran tinapay tan iyapay ton nidoma-doman rigalo ed Katawan. Kapag tinapay gawaen ed sakey tan kapalduan kilon arinan nanlibadura insan iyapay ed Katawan a sikatoy bagat ya ononan anien.

Maung a Balita Biblia

¹⁷ Kapag pamilya mangyakar na duaran tinapay tan iyapay ton nidoma-doman rigalo ed Katawan. Kapag tinapay gawaen ed sakey tan kapalduan kilon arinan nanlibadura insan iyapay ed Katawan a sikatoy bagat ya ononan anien.

Levitico 23:17 Referans Kwoze

Saray Bilang 28:26

Diad ononan agew na Pistay Panagani, no mangyapay kayod Katawan na bagat a balon trigo nepeg a mantitipon kayon mangigalang ed Dios tan ag kayo mankikimey.

Levitico 7:13

Mangyapay met ni na saray tinapay a walay libadura.

Exodo 34:26

“Kapag taon iyakar yod abung na Katawan a Dios yo so ononan trigon naani yo. “Ag yo ilulutod gatas na ina to so kordiro odino kilaw na kanding.”

Exodo 34:22

“Silibraan yoy Pista na Panagani no igapo yo lay manani na onaan a bungay trigo yo, tan silibraan yoy Pista na Abung-abung diad samput na taon no borboren yo la ray bungay kakiewan.

Exodo 23:19

“Iyakar yo ed abung na Katawan a Dios yo so sankaabigan ya onaan a trigon naani yo. “Ag yo ilulutod gatas na ina to so kordiro odino kilaw na kanding.

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

1 CORINTO 15:20

Balet say katwaan et naolid bilay si Cristo a pamaneknek a naolid bilay iray inaatey.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

Mateo 13:33

Sinalita nen Jesus so sakey nin alimbawa: “Say Panariay tawen aliling toy libadura ya inkames na sakey a bii ed taloran sukat na arina, anggad inmalsa may intiro angikamesan to.”

Saray Bilang 15:17

Say Katawan inter tod kinen Moises

Levitico 2:12

Say bagat a trigo a manlapud ononan anien ed kapag taon et iyakar ed Katawan, balet ag nepeg a poolan ed tapew na altar.

Exodo 23:16

“Silibraan yo so Pista na Panagani no igapo yo lan anien iray bungay tanaman yo. “Silibraan yo so Pista na saray Abung-abung diad samput na taon, no borboren yo la ray bunga na kaubasan yo tan arum a tanaman yo.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Levitico 23:18

Katekep na sayan tinapay, saray Israelita mangisaklang ira na pitoran sakey taon a kordiro, sakey a bakan kalakyan, tan duaran kanding ya anggapoy deral na laman dan amin. Isaklang ira ed Katawan a bagat a popoolan a katekep na bagat a trigo tan bagat ya alak. Say balingit na sayan bagat et makapaliket ed Katawan.

Nehemias 10:37

Mangyakar kamid saray papari diad Timplo na minasan arina ya agawad ononan trigon naani kapag taon; iyakar mi met iray arum nin bagat min alak, larak na oliba, tan amin a klasin prutas. Iyakar mid saray Levita a managalay kakaplo ed saray daralusan min bario so kakaplo na saray bungay tanaman ed dalin mi.

Saray Bilang 18:12

“Iter kod sika ray amin a sankaabigan a bungay dalin ya iter ed siak na saray Israelita kapag taon: say larak na oliba, say alak, tan say trigo.

Saray Bilang 18:13

Kayaryan mo ran amin. Nayarin pambilay ira na amin a kabyangan na pamilyam no malinis ira onung ed ganggan.