Levitico 23:13 - Maung A Balita Biblia

¹³ Katekep to ya, mangyapay kayo na sakey tan kapalduan kilon arina ya inkames ed larak na oliba a sikatoy bagat a popoolan. Say balingit na sayan bagat et makapaliket ed Katawan. Mangisaklang kayo met na sakey litron alak.

Maung a Balita Biblia

¹³ Katekep to ya, mangyapay kayo na sakey tan kapalduan kilon arina ya inkames ed larak na oliba a sikatoy bagat a popoolan. Say balingit na sayan bagat et makapaliket ed Katawan. Mangisaklang kayo met na sakey litron alak.

Levitico 23:13 Referans Kwoze

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Joel 1:9

Anggapo lay trigo odino alak ya ibagat ed Timplo; maermen iray papari lapud anggapoy nibagat da ed Katawan.

Ezekiel 46:14

Ontan met, kapag kabwasan, nepeg a duaran kilon arina so ibagat a katekep toy taloran kakapat na galon a larak na oliba a pangikames ed samay arina. Anggad anggan nepeg ya ipatombuk yan totontonen a para sayan bagat ed Katawan.

Ezekiel 45:24

Kapag sakey a bakan kalakyan tan kapag sakey a karniron kalakyan ya ibagat, nepeg a walay katekep dan bagat a kapalduay sakon a trigo tan taloran kakapat na galon a larak na oliba.

Ezekiel 4:11

Agetaran met so inomen mo, duaran kupa ed sanagew.

Saray Bilang 28:10

Sayan bagat a popoolan et isaklang kapag Agew na Panagpainawa tan kaaruman na bagat ya inagew-agew a katekep toy bagat ya alak.

Levitico 14:10

Diad kumawalon agew sikatoy mangyakar na laman a duaran kordiron kalakyan tan sakey a kordiron kabatyan a sakey taon ya anggapoy deral na laman da, duaran kilon arina ya inkames ed larak na oliba tan talora tan kapalduan litro a larak na oliba.

Levitico 6:20

a nipaakar ed pangikonsagrad kinen Aaron tan saray lalakin anak to. Diad agew na pangikonsagrad siopaman ed sikara, sikatoy mangibagat ed Katawan na sakey kilon arina (singa karakel na samay inagew-agew a bagat a trigo), say kapaldua diad kabwasan tan say kapaldua diad labi.

Exodo 30:24

tan anemiran kilon kasia (asimbang ira yan amin onung ed panagsimbang ed santuario). Laukan mo na sakey a galon a larak na oliba,

Exodo 30:9

Diad sayan altar ag kayo mangibabagat na insinson aliwan masanto odino bagat ya ayep odino bagat a trigo, tan ag kayo mangikakalbo dia na bagat ya alak.

Levitico 23:12

Diad agew a pangisaklang yod bagat a trigo, mangisaklang kayo met na sakey taon a kordiron kalakyan ya anggapoy deral na laman to a sikatoy bagat a popoolan.