Levitico 22:32 - Maung A Balita Biblia

³² Ag yo ipepelag ed kababaingan so masanton ngaran ko; amin a totood Israel nepeg a birbiren da ak a masanto. Siak so Katawan a mamapasanto ed sikayo;

Maung a Balita Biblia

³² Ag yo ipepelag ed kababaingan so masanton ngaran ko; amin a totood Israel nepeg a birbiren da ak a masanto. Siak so Katawan a mamapasanto ed sikayo;

Levitico 22:32 Referans Kwoze

Lucas 11:2

“No mampikasi kayo,” kuanen Jesus, “onyay ibaga yo: ‘Ama: Nagalang komuy ngaran mo; onsabi la komuy Panarian mo.

Levitico 18:21

Ag mo aabuloyan a saray anak mo et nikana ra ed pangigalang ed diyos-diyos a Moloc, ta mangipelag ya ed kababaingan na ngaran na Dios.

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Levitico 22:2

kindi Aaron tan saray lalakin anak to, “Ag yo nepeg ya ipelag ed kababaingan so masanton ngaran ko, kanyan pagalangan yo ray masanton bagat ya isasaklang ed siak na saray totood Israel. Siak so Katawan.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

1 CORINTO 1:2

Diad iglisia na Dios a walad Corinto, diad amin da ray tinawag na Dios a magmaliw a masanton totoo to, diad panamegley na pikakasakey ed Cristo Jesus, ontan met a diad saray amin a totood inerman a pasen, saray ontatawag ed ngaran na Katawan dan Jesu-Cristo a Katawan tayo met:

Juan 17:17

Pasantos mo ra komun diad panamegley na katwaan. Katwaan so salitam.

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Levitico 21:15

No aliwan birhin so asawaen to, saray anak to a nepeg a masanto ra et marotak ira onung ed ganggan. Siak so Katawan tan siak so angibiig ed sikato a Pangulon Pari.”

Levitico 21:8

Saray totoo nepeg ya ipasen dan masanto so pari, lapud sikatoy mangisasaklang ed siak na bagat a kakanen. Siak so Katawan, masanto ak tan pasantosen ko ray totook.

Levitico 20:8

Sumpal yo ray ganggan ko, lapud siak so Katawan a mamapasanto ed sikayo.”

Levitico 22:16

nepeg ya ag da iyabuloy a kanen ira na toon aliwan manepeg a mangan; saya et pakapankasalananan na toon mangan tan pakadusaan to. Siak so Katawan a mamapasanto ed saray bagat.”

Levitico 22:31

Say Katawan kuanto, “Onur yo ray ganggan ko; siak so Katawan.

Levitico 22:33

siak so angipaway ed sikayo manlapud Egipto pian magmaliw a siak so Dios yo. Siak so Katawan.”

Isaias 8:13

Ag mo lilingwanan a siak, say Katawan a Makapanyarin-amin, et masanto; siak so nepeg mon takotan.