Levitico 18:29 - Maung A Balita Biblia

²⁹ Ta siopamay manggawad sarayan mabambanday a kagagawa et ag la nibilang a sakey ed saray totoo na Dios.

Maung a Balita Biblia

²⁹ Ta siopamay manggawad sarayan mabambanday a kagagawa et ag la nibilang a sakey ed saray totoo na Dios.

Levitico 18:29 Referans Kwoze

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Levitico 17:10

No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

Exodo 12:15

Say Katawan kuanto, “Diad loob na pitoran agew ag kayo mamangan na tinapay a pinaalsad libadura—saray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Levitico 18:28

et diad ontan say dalin ag to kayo pagiten, a singa impamagit tod saray pagano a nanayam diman kasakbayan na panayam yo.

Levitico 18:30

Say Katawan kuanto, “Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.”

Exodo 30:33

Siopamay toon mangalig na inkagawa to odino mangikanad siopaman ya aliwan pari, sikatoy ag la nibilang a sakey ed saray totook.’”

Levitico 7:20

balet no say toon marotak onung ed ganggan et mangan ed samay karni, sikatoy nipasen ya aliwa lan sakey ed saray totoo na Dios.

Levitico 7:21

Ontan met, no say sakey a too et mangan ed karni na sayan bagat kayari ton diniwit so bengatlan marotak onung ed ganggan, manlapu man ed too odino ayep, nipasen ya aliwa lan sakey ed saray totoo na Dios.

Malakias 2:12

Ekalen komun na Katawan ed olupan na saray Israelita so siopaman a nanggawad saya, tan ag to la ran balut pibiangen ed saray bagat ya isasaklang na bansa tayo ed Katawan a Makapanyarin-amin.