Levitico 18:24 - Maung A Balita Biblia

²⁴ Ag yo dodotakan so sikayon dili onung ed ganggan diad panamegley na sarayan kagagawa, ta saray paganon manaayam ed dalin a laen yo et sikara yay impanotak dad sikaran dili; pataynanen ira na Katawan pian nalooban yoy dalin da.

Maung a Balita Biblia

²⁴ Ag yo dodotakan so sikayon dili onung ed ganggan diad panamegley na sarayan kagagawa, ta saray paganon manaayam ed dalin a laen yo et sikara yay impanotak dad sikaran dili; pataynanen ira na Katawan pian nalooban yoy dalin da.

Levitico 18:24 Referans Kwoze

Deuteronomio 18:12

Say Katawan a Dios yo et kabosul to ray totoon manusumpal na sarayan makapaingongot a gawgawa, tan sikato yay makasengeg a pataynanen to ray totoo ed sarayan bansa legan yon mankukurang.

Levitico 18:30

Say Katawan kuanto, “Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.”

1 CORINTO 3:17

No deralen na sakey a too so timplo na Dios, sikatoy deralen na Dios. Ta masanto so timplo na Dios, tan sikayo so timplo to.

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Deuteronomio 12:31

Ag yo ipapara so panangigalang yod Dios yo ed panangigalang da ed saray diriyos da, ta diad panangigalang dad saray diriyos da gagawaen da ray amin a makapaingungot a kabosul na Katawan. Ibabagat da ni ingen ed apoy na saray altar da iray anak da.

Levitico 18:3

Ag yo aaligen iray kagagawa na saray Egipsio a nanayaman yo nen saman, odino saray kagagawa da ray taga dalin na Canaan a pangyaakaran kod sikayo natan.

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

Saray Bilang 35:34

Ag yo dodotakan so dalin a panaayaman yo, lapud siak so Katawan tan manaayam ak ed kawalaan yon totood Israel.”

Deuteronomio 9:4

“No apataynan la ra na Katawan a Dios yo para sikayo, ag yo ibabagad sikayon dili a pinaloob to kayo ed saman a dalin lapud sikatoy kanepegan yo. Andi, say Katawan et pataynanen ton para sikayo ira yan totoo lapud maoges ira.

1 Saray Arari 9:7

paekalen ko ray totook ya Israelita ed dalin ya inter kod sikara. Ikaindan ko met yan pinasantok a Timplo a sikatoy pangigalangan ed siak; balawen tan melag-melagen met na saray totoo ed inerman a pasen so bansan Israel.

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Saray Salmo 106:39

Dinotakan day sikaran dili onung ed ganggan lapud saray gawgawa ra, tan aliwa ran matoor ed Dios.

Deuteronomio 9:5

Say Katawan et pakakayaryan tod sikayo so dalin da, aliwan lapud maung kayon totoo tan gagawaen yo so katunongan. Pataynanen to ra lapud maoges ira tan lapud labay ton tooren imay insipan tod saray lalaki yo ya Abraham, Isaac, tan Jacob.

Saray Huis 20:5

Dinmagon mangalad siak iray lalakin tagad man ed Gabaa, kanyan niliktub dad saman a labi so abung a nampunduan mi. Ginetma da ak a pateyen, balet saman lay asawak so pinasoot tan nanliketan da.

Saray Huis 20:6

Inalak so bangkay to, tinetegteg ko, insan ko impaiyakar so sakey a tegteg ed balang tribu na Israel. Nanggawa ra man a totoo na maoges tan mabanday a bengatla sumpad sikatayo.

Saray Huis 20:10

Say kakaplod saray lalakid Israel et sikaray makaoley a maniter na abasto da ray sondalo; saray arum onla ran manusa ed Gabaa, lapud sayan mabanday a ginawa ra sumpad Israel.”

2 Saray Awaran 33:2

Nanggagawa na kaogsan ed arap na Katawan, diad impangaalig tod saray makapaingungot ya ogali da ray totoon pinapataynan na Katawan legan a mankukurang iray totoo to.

Ezekiel 36:17

Inkuanto, “Sika a toon ompatey, nen manaayam ed dalin da iray Israelita, dinotakan da may dalin da lapud maoges a kabibilay tan kagagawa ra. Impasen kon samay kagagawa ra et marotak onung ed ganggan a singa biin naliliberan.