Levitico 16:34 - Maung A Balita Biblia

³⁴ Sarayan totontonen et nepeg a tombuken ya anggan kapigan man a panaon. Sayan sirimonya et nepeg a gawaen a maminsan ed sakey taon a panlinis ed amin a kasalanan da ray Israelita. Ginawa sirin nen Moises so ingganggan na Katawan.

Maung a Balita Biblia

³⁴ Sarayan totontonen et nepeg a tombuken ya anggan kapigan man a panaon. Sayan sirimonya et nepeg a gawaen a maminsan ed sakey taon a panlinis ed amin a kasalanan da ray Israelita. Ginawa sirin nen Moises so ingganggan na Katawan.

Levitico 16:34 Referans Kwoze

Saray Hebreo 9:7

Balet say Pangulon Pari labat so onloob ed kumadwan parti, tan mamimpinsan ed sakey taon. Walay awit ton dala ya ibagat ed Dios para sikaton dili tan kasalanan ya ag amtan nagagawaan na saray totoo.

Saray Hebreo 9:25

Say Pangulon Pari da ray Judio onloloob a tinaon-taon ed Sankasantosan Pasen, tan awit toy dala na ayep. Balet si Cristo ag linmoob a mamimpiga-pigan mangibagat na sikaton dili.

Exodo 30:10

Maminsan ed kapag taon gawaen nen Aaron so sirimonya a panlinis ed sayan altar diad pangiporanis tod saray pinagsaklur na altar; say iporanis to et say dala na ayep ya imbagat a pangekal na kasalanan. Gawaen ya a tinaon ed kapigan man a panaon. Sayan altar et nepeg a sigput a masanto, tan nisaklang ed siak a Katawan.”

Saray Hebreo 10:14

Kanyan diad panamegley na saksakey a bagat, ginawa ton nagnap ya andi-anggaan iray naorasan ed kasalanan.

Saray Hebreo 10:3

Ingen, sarayan bagat ipanunot dan tinaon-taon iray kasalanan na totoo.

Saray Bilang 29:7

Diad kumaplon agew na kumapiton bulan mantitipon kayon mangigalang ed Dios; ag kayo mamangan odino mankikimey.

Levitico 23:31

Sayan totontonen et nepeg a tombuken na amin da ray kabyangay boleg yo ya anggan man iner so panayaman da.

Exodo 27:21

Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.

Levitico 17:1

Say Katawan ingganggan toy Moises

Levitico 23:28

Ag kayo mankikimey ed satan ya agew, lapud sikatoy agew a panggawa na sirimonyan pangekal na kasalanan.

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Levitico 16:2

Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Levitico 24:23

Nen nibaga la ya nen Moises ed saray totood Israel, impaway dad kampo may laki tan tinupak da ya anggad inatey. Diad onya saray totood Israel ginawa ra so ingganggan na Katawan ed kinen Moises.