Levitico 16:24 - Maung A Balita Biblia

²⁴ Nepeg a manames ed masanton pasen insan to isolung so dilin kawes to. Kayari to ya, ompaway, ta mangisablang na bagat a popoolan a mangekal na saray dilin kasalanan to tan saray kasalanan da ray katoowan.

Maung a Balita Biblia

²⁴ Nepeg a manames ed masanton pasen insan to isolung so dilin kawes to. Kayari to ya, ompaway, ta mangisablang na bagat a popoolan a mangekal na saray dilin kasalanan to tan saray kasalanan da ray katoowan.

Levitico 16:24 Referans Kwoze

Saray Hebreo 9:10

Sarayan totontonen et nipaakar ira labat ed kakanen, iinomen, tan saray nandoroman panaglinis. Susumpalen ira labat nipaakar ed laman, tan walay kana ra labat anggad pangoman na Dios ed amin a bengatla.

Levitico 22:6

Siopamay parin magmaliw a marotak siansian marotak ya anggad labi, tan anggan no malinis la ag nin siansia makapangan na saray masanton bagat no ag ni nanames.

Levitico 14:9

Diad kumapiton agew kiskisan toy buek to, balbas to, kirep to, tan amin a bagoy laman to; ipesak toy kawes to tan manames. Diad onya magmaliw lan malinis onung ed ganggan.

Exodo 28:40

“Manggawa ka na saray kawes ya antikey so taklay, saray abel a balabal, tan saray sakub na toktok na olo para saray lalakin anak nen Aaron, pian napaalsay nengneng da tan say kagalangan da.

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Levitico 16:25

Poolan tod tapew na altar so taba na ayep ya ibagat a para kasalanan.

Levitico 9:7

Insan to inkuan ed kinen Aaron, “Lakad altar ta isaklang mo so bagat a para kasalanan tay say bagat a popoolan a mangekal na saray kasalanan mo tan saray kasalanan na saray totoo. Isaklang mo yan bagat a mangekal na saray kasalanan na saray totoo onung na ingganggan na Katawan.”

Ezekiel 42:14

No saray paparin walad dalem na Timplo et labay day onla ed patiod paway, nepeg ya itilak dad sarayan kuarto iray masanton kawes ya insolung da legan dan manlilingkur ed Katawan. Nepeg a mampales iray sananey a kawes kasakbayan iran ompaway ya onlad pasen a kawalaan da ray totoo.”