Levitico 15:27 - Maung A Balita Biblia

²⁷ Siopamay makadiwit ed saraya et marotak; nepeg ya ipesak toy kawes to tan manames, tan siansian marotak ya anggad labi.

Maung a Balita Biblia

²⁷ Siopamay makadiwit ed saraya et marotak; nepeg ya ipesak toy kawes to tan manames, tan siansian marotak ya anggad labi.

Levitico 15:27 Referans Kwoze

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Zacarias 13:1

“No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Ezekiel 36:29

Iyagel ta kayod antokaman a pakadotakan yo. Iganggan ko ray trigo a mamparakel ira, pian ag kayo la nadalan na eras.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Levitico 15:21

Siopamay makadiwit na katri to odino antokaman a yorungan to, nepeg ya ipesak toy kawes to tan manames, tan siansian marotak ya anggad labi.

Levitico 15:13

Kayarin inmabig so lakin walay ompapaway ed kayaryan to, nepeg a manalagar na pitoran agew insan to ipesak so kawes to tan manames ed managagos a danum na sobul, et diad ontan sikato lay malinis onung ed ganggan.

Levitico 15:26

Legan na pampapadala to say katri a dokulan to odino antokaman a yorungan to et marotak.

Levitico 15:28

Katonda na pandadala to, nepeg a manalagar na pitoran agew, insan magmaliw a malinis onung ed ganggan.

Levitico 11:24

Siopamay makadiwit ed inatey a laman na saray onggendan ya ayayep et marotak ya anggad labi: amin ya ayayep a nankoko likud no pisag so koko ra tan mamparintek ira, tan amin ya ayayep ya apatiray sali tan andorokey so koko ra. Siopamay manawit na inatey a laman da ra yan ayayep nepeg ya ipesak toy kawes to, balet sikatoy marotak ni ya anggad labi.

Saray Bilang 19:22

Antokaman a diwiten na toon marotak et magmaliw a marotak met onung ed ganggan, tan siopamay maniwit na sayan antokaman a marotak et siansian marotak ya anggad labi.