Levitico 14:45 - Maung A Balita Biblia

⁴⁵ Nepeg a bagbagen la may abung; amin a bato to, saray kiew to, tan amin a palitada to et nepeg ya ibantak irad sakey a marotak a pasen diad paway na siudad.

Maung a Balita Biblia

⁴⁵ Nepeg a bagbagen la may abung; amin a bato to, saray kiew to, tan amin a palitada to et nepeg ya ibantak irad sakey a marotak a pasen diad paway na siudad.

Levitico 14:45 Referans Kwoze

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Mateo 24:2

Inkuantod sikara, “Nanenengneng yo ra tan a paalagey? Ibagak ed sikayo: anggapoy anggan sakey a baton natilak ed pasen to, ta nageba ran amin.”

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Ezekiel 5:4

Kayari to mangala kay daiset tan ibontuk mod apoy, tan paolyan mo ran ondalang. Manlapud saraya say apoy onkayat ed intiron bansa na Israel.”

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

2 Saray Arari 10:27

Dineral da sirin so masanton lusek tan say timplo, insan da ginawan kasilyas—a wadman ni ya anggad natan.

Levitico 14:41

Kayari to ya, paekal to ray amin a palitadad dalem na abung tan paibantak to rad sakey a marotak a pasen diad paway na siudad.

Levitico 14:46

Siopamay toon onloob ed abung legan ya akatalak et magmaliw a marotak ya anggad labi.