Levitico 14:40 - Maung A Balita Biblia

⁴⁰ iganggan ton saray bato ed kawalaan na samay boot et ekalen ira tan ibantak irad sakey a marotak a pasen onung ed ganggan diad paway na siudad.

Maung a Balita Biblia

⁴⁰ iganggan ton saray bato ed kawalaan na samay boot et ekalen ira tan ibantak irad sakey a marotak a pasen onung ed ganggan diad paway na siudad.

Levitico 14:40 Referans Kwoze

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.

Puyan 2:6

Balet wala met so kamaungan mo, ta bobosulen mo met a singa siak so gagawaen da ray Nicolaita.

Puyan 2:2

Amtak iray ginagawam; tan amtak no panoy impankekesaw tan impanaanos mo. Amtak ya ag mo ra naanosay maoges a totoo. Sinubok mo ray mangibabagan apostol ira anta andi, tan nalmoan mon matila ra.

Tito 3:10

Ipolisay moy toon panlalapway pansisian, kasumpal mon banoen a mamidwa.

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

Mateo 18:17

No ag to ni ra dengelen, idalem mo lad iglisia. No ag to ni dengeley pati iglisia, ipasen mon sakey a Hintil o sakey a sumisingil na buis.”

Probirbio 22:10

Paarawim so toon managpaatagey, et ontonda so sangsangan, kolkolan, tan pampapabaingan.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Levitico 14:39

Diad kumapiton agew ompawil ta nengnengen to lamet imay abung. No kinmayat imay boot,

Levitico 14:41

Kayari to ya, paekal to ray amin a palitadad dalem na abung tan paibantak to rad sakey a marotak a pasen diad paway na siudad.

Levitico 6:11

Insan mansalat na kawes tan iyakar tod paway na kampo ira may dapul diad pasen a malinis onung ed ganggan.