Levitico 14:18 - Maung A Balita Biblia

¹⁸ Ilana tod olo to may too imay akeraan a larak ed daklap to. Diad onya gawaen toy sirimonya na panlinis.

Maung a Balita Biblia

¹⁸ Ilana tod olo to may too imay akeraan a larak ed daklap to. Diad onya gawaen toy sirimonya na panlinis.

Levitico 14:18 Referans Kwoze

Levitico 4:26

Insan to poolan ed altar iray amin a taba to may ayep a singa pamool tod taba na saray ayep a pinatey ya ibagat a para kareenan. Diad onya say pari isaklang toy bagat a para kasalanan na samay manoley, et napirdona yan manoley.

Levitico 8:12

Kinonsagra toy Aaron diad impangikalbo tod olo to na larak a panaglana.

Levitico 5:16

Nepeg ya iter toy ag to abayaran tan pasolukan to na kakalima. Iter to ya ed pari, tan say pari ibagat to so ayep a pangekal na kasalanan to yan too, et napirdona yan too.

Levitico 4:31

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar. Makapaliket ed Katawan so balingit na sayan bagat. Diad onya say pari isaklang toy bagat a para kasalanan na sakey a too, et napirdona yan too.

Exodo 29:7

Insan mo alaen so larak a panagpoyuk, ikalbom ed olo to, tan poyukan mo.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

Levitico 14:17

Mangala na daiset a larak a walad daklap to tan daiset a dala to may kordiro, insan iporanis to rad kawanan a gilig na layag to may toon sintinsiaan a malinis onung ed ganggan, diad tangan na kawanan a lima to, tan diad tangan na kawanan a sali to.

Saray Bilang 15:28

Diad altar say pari gawaen to so sirimonya na panaglinis pian nalinisan imay too ed kasalanan to, et sikatoy napirdona.

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 4:35

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar a pati saray bagat a popoolan a nisaklang ed Katawan. Diad onya say pari isaklang toy bagat a para kasalanan na sakey a too, et napirdona yan too.

Levitico 15:15

Say pari ibagat toy sakey a para kasalanan tan say sakey ibagat ton popoolan. Diad onya gawaen toy sirimonya a panlinis ed too.