Levitico 10:13 - Maung A Balita Biblia

¹³ Akan yod sakey a masanton pasen; sikato ya so betang yo tan saray lalakin anak yo ed bagat a popoolan ed Katawan. Sikato ya so ingganggan ed siak na Katawan.

Maung a Balita Biblia

¹³ Akan yod sakey a masanton pasen; sikato ya so betang yo tan saray lalakin anak yo ed bagat a popoolan ed Katawan. Sikato ya so ingganggan ed siak na Katawan.

Levitico 10:13 Referans Kwoze

Levitico 6:16

Kanen na saray papari so akeraan ed samay arina. Nepeg a gawaen a tinapay ya anggapoy libadura tan kanen ed masanton pasen, diad solar na Tuldan Ayamay Katawan. Say Katawan inter to yad saray papari a nabebetangan da ed saray bagat a popoolan. Masanton tuloy yan bagat, a singa saray bagat a para kasalanan tan saray bagat a pambayar.

Levitico 2:3

Kayaryan na saray papari so soluk ed sayan bagat a trigo; masanto yan tuloy, ta inala ed kakanen ya imbagat ed Katawan.

Saray Bilang 18:10

Nepeg yo ran kanen ed masanton pasen, tan saray lalaki labat so nayarin mangan ed sikara; ipasen yon masanto ra.

Levitico 10:12

Si Moises inkuantod kinen Aaron tan saray nakdaan a lalakin anak to a di Eleazar tan Itamar, “Ala yoy bagat a trigo ya akeraan ed bagat a popoolan ed Katawan, gawa yon tinapay ya anggapoy libadura insan yo kanen ed abay na altar, lapud masanton tuloy yan bagat.

Levitico 10:14

Balet sikayo tan saray anak yon lalaki tan bibii et nayarian yon kanen so pagew tan say kamanonur a sali a nisaklang a nidoma-doman rigalo ed Katawan a para saray papari. Nayarian yo ran kanen ed sakey a pasen a malinis onung ed ganggan. Sarayan bagat et niiter irad sikayo a parti ran nabebetangan yo ed saray bagat a para kareenan ya isaklang na saray totood Israel.

Saray Bilang 5:10

Balang pari et kayaryan to ray bagat a niiter ed sikato.

Ezekiel 42:13

Samay laki kuantod siak, “Masanto ra yan paalagey. Diad loob na sarayan kuarto, kanen na saray paparin onloob ed kawalaan na Katawan iray sankasantosan a bagat. Lapud masanto ra yan kuarto, ipasen dia na saray papari iray sankasantosan a bagat: saray trigon bagat tan saray bagat a nisaklang a para kasalanan odino bagat a pambayar.