Levitico 1:11 - Maung A Balita Biblia

¹¹ Pateyen tod baybay a dapag na altar, insan saray papari isibo day dala to may ayep diad apatiran dapag na altar.

Maung a Balita Biblia

¹¹ Pateyen tod baybay a dapag na altar, insan saray papari isibo day dala to may ayep diad apatiran dapag na altar.

Levitico 1:11 Referans Kwoze

Levitico 1:5

Pateyen tod man imay baka, insan saray paparin anak nen Aaron iyapay dad Katawan so dala to may baka. Kayari to ya, isibo da may dala diad apatiran dapag na altar a walad lolooban to may Tulda.

Ezekiel 8:5

Inkuan na Dios ed siak, “Sika a toon ompatey, nengneng kad baybay.” Ninmengneng ak, et diad asingger ed altar ed abay na lolooban na puirta anengneng koy talintaon makapaspasnuk ed Dios.

Levitico 7:2

Say ayep a para sayan bagat et nepeg a pateyen diad nibaybay na altar a dimay panamateyan ed saray ayep ya ibagat a popoolan, tan say dala to et isibo ed saray apatiran dapag na altar.

Levitico 6:25

ya iter tod kinen Aaron tan saray anak to iray onggendan a totontonen a nipaakar ed saray bagat a para kasalanan. Say ayep ya ibagat a para kasalanan et pateyen ed nibaybay na altar a dimay panamateyan ed saray ayayep ya ibagat a popoolan. Masanton tuloy yan bagat.

Exodo 40:22

Diad paway na sanib a kurtina ed bandad baybay si Moises inyan tod dalem na Tulda imay lamisaan,

Exodo 24:6

Inala nen Moises so kapaldua na dala na saramay ayep tan inkarga tod saray palanggana, insan to insisibo ed altar.

Levitico 4:29

Itapew tod olo na samay ayep so lima to, insan to pateyen ed nibaybay na altar a diay panamateyan ed saray ayep ya isaklang a bagat a popoolan.

Levitico 8:19

Pinatey nen Moises imay karniro tan insibo tod apatiran kapag na altar so dala.

Levitico 14:13

Pateyen to may kordiro diad masanton pasen a panamateyan ed saray ayep ya ibagat para kasalanan tan saray ayep ya ibagat a popoolan. Nepeg to yan gawaen lapud say bagat a pambayar et kayaryan na pari tan masanton tuloy a singa bagat a para kasalanan.

Ezekiel 43:18

Say Katawan a Dios kuantod siak, “Sika a toon ompatey, dengel moy ibagak ed sika. No asumpal lan agawa so altar, nepeg mon isaklang ed Dios diad pamool mod tapew to na saray bagat tan diad pangiwalsik mod altar na dala da ray ayayep ya imbagat.