Kanta nen Solomon 8:8 - Maung A Balita Biblia

⁸ Walay agi min bii a katayatdang, tan kamoktil niy suso to. Antoy gawaen mid sikato no karawen na sakey a tobun-balo?

Maung a Balita Biblia

⁸ Walay agi min bii a katayatdang, tan kamoktil niy suso to. Antoy gawaen mid sikato no karawen na sakey a tobun-balo?

Kanta nen Solomon 8:8 Referans Kwoze

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

Saray Salmo 2:8

Kerew ka, et iter kod sikan amin iray bansa; nakayaryan moy intiron mundo.

Saray Gawgawa 22:21

Balet inkuan na Katawan, ‘Laka la, ta ibaki ta kad arawidiad kawalaan da ray Hintil.’”

Saray Gawgawa 16:9

Diad labi, walay pinmayawar ed kinen Pablo. Anengneng toy sakey a lakin taga Macedonia, a manalalagey tan mikakasid sikato, “Gala dia karid Macedonia, ta tulongan mo kami.”

Saray Gawgawa 10:1

Diad Cesarea walay lakin manngaray Cornelio, sakey a kapitan da ray sondalod Roma a kabyangan iray tatawagen na “Kompanya Italiana.”

Saray Gawgawa 7:38

Diad kalawakan sikatoman imay kaiba ed olup da ray Israelita. Sikatoy wadman a kaiba da ray lalaki tayo tan samay anghil ya akitongtong ed sikato, diad Palandey na Sinai. Sikatoy angawat ed Dios na saray salitan manangiter na bilay ya iter to rad sikatayo.

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Lucas 19:44

Deralen da ka tan saray totoon walad loob na padir mo. Anggapoy anggan sakey a baton natilak ed pasen to, ta ag mo inasikasoy insabi na Dios a mangilaban ed sika!”

Ezekiel 23:33

Saman a kupa et pagmaliwen to kan pangaskasiyan tan abuek, saman a kupa a mangiter na takot tan deral, say kupa nen agim a Samaria.

Ezekiel 16:61

Nanunotan mo ray ginagawam, tan ombaing ka no napapawil mod sika so pangulowan tan yogtan ya agim a bibii. Pagmaliwen ko ran singa anak mon bibii, anggaman ya aliwan kabyangan ya na impansipanan ta.

Ezekiel 16:46

“Say pangulowan ya agim a bii et say Samaria diad baybay, a pati saray bario to. Say yogtan ya agim a bii et say Sodoma diad abalaten, a pati saray bario to.

Ezekiel 16:7

Pinabaleg ta kan singa malambut a tanaman. Binmaleg kan mabiskeg, atagey tan nagmaliw kan malangwer a marikit. Balibaliy impanpagew mo tan dinmokey so buek mo, balet lakseb-labus ka.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Kanta nen Solomon 8:10

Sakey ak a padir, tan saray susok so tori to. Amta na inarok a narumog kod sikato so inawa tan kareenan.

Kanta nen Solomon 7:3

Singa siping ya ulsa iray susom, singa ra duaran korso.

Kanta nen Solomon 4:5

Saray susom et singa ra saray korso; singa ra siping ya ulsa a mamangakan ed kawalaan da ray lirio.

Kanta nen Solomon 8:9

No komun ta sikatoy sakey a padir, ipaalageyan mi na pilak a tori. Balet no sikatoy sakey a puirta, paliberan mi na saray tablan sidro.