Kanta nen Solomon 8:1 - Maung A Balita Biblia

¹ Oy la komun a sakey kan agik a laki, ya inasikaso na inak ed pagew to. Diad satan, no naabet ta kad dalan, nayarian ta kan anguban, et anggapoy walad karaklan.

Maung a Balita Biblia

¹ Oy la komun a sakey kan agik a laki, ya inasikaso na inak ed pagew to. Diad satan, no naabet ta kad dalan, nayarian ta kan anguban, et anggapoy walad karaklan.

Kanta nen Solomon 8:1 Referans Kwoze

TAGA GALACIA 4:26

Balet say mangatatawen a Jerusalem et aliwan aripen, tan sikatoy ina tayo.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Lucas 2:38

Diad saman ya oras, linmad Timplo tan akisalamat ed Dios, insan nansalitay nipaakar ed kinen Jesus diad amin da ray manaalagar ed panondon na Dios ed Jerusalem.

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Aggeo 2:7

Taloen kon amin iray bansa, tan niyakar dia iray kayamanan da, tan napano na kayamanan so Timplo.

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan ‘Say Siudad na Katawan.’ ‘Sion, say Siudad na masanton Dios na Israel.’

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

1 CORINTO 1:28

Pinili na Dios so pabpaabebaen, balbalawen, tan ibanbantak na sankamundoan, pian naderal to ray pinabpabli na sankamundoan.

Juan 16:28

Nanlapu ak ed Ama tan linma ak diad mundo. Natan balet taynan ko lay mundo tan ompawil ak lad Ama.”

Juan 13:3

Amta nen Jesus ya inter na Ama ed sikato so amin a bengatla, tan kabat to met a sikatoy nanlapud Dios tan ompawil ed Dios.

Juan 8:42

Inkuanen Jesus, “No tuan say Dios so ama yo, aroen yo ak komun, ta nanlapu ak ed Dios tan natan wadya ak. Ag nanlapud siak a bukor so inyakar ko dia, no ag ta imbaki ak na Dios.

Juan 3:13

Anggapoy akakar ed tawen no ag say Anak na Too a linmeksab a nanlapud tawen.”

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Lucas 18:9

Sinalita met nen Jesus yan alimbawa ed saray totoon ipapasen dan matonung so sikaran dili tan mumurmuraen da ray arum.

Lucas 12:8

“Kuankod sikayo a siopamay mamirbir ed siak ed arap na totoo, birbiren met na Anak na Too diad arap da ray anghil na Dios!

Lucas 10:16

Inkuantod saray disipulo to, “Siopamay ondengel ed sikayo, siak so dengelen to. Siopamay mangipolisay ed sikayo, siak so ipolisay to; tan say mangipolisay ed siak, say angibakid siak so ipolisay to.”

Lucas 9:26

Siopamay mangibaing ed siak tan saray salitak, sikato met so ibaing na Anak na Too, no onla dian ompawil a kataruk toy kagalangay Ama, tan kaiba to ray masanton anghil.

Kanta nen Solomon 1:2

Siak komun so angub-anguban mo na bibil mo; masamit nen say alak so panangarom.

Saray Salmo 51:17

Say mapaabeban ispiritu so ibagat kod sika, O Dios; ag mo ipolisay so mapaabeba tan magbabawin puso.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Kanta nen Solomon 7:13

Naangub mo so balingit na saray tanaman a mandragoras, tan walad abay na puirta ta iray masasamit a bunga. Insinup kon para sika so daan tan balo a ligliwa.

Kanta nen Solomon 8:2

Iyakar ta kad abung nen inak, a dimay pangibangatan mod siak no antoy kabaliksan na panangaro. Itdan ta kay masamsamit ya alak, say alak kon ginawad bungay granada.