Kanta nen Solomon 7:5 - Maung A Balita Biblia

⁵ Akatangar a singa Palandey na Carmelo so olom. Singa sankarakpan ya abel a balangaan so nilapir a buek mo; say karakpan to makasagyat na imanoy ari.

Maung a Balita Biblia

⁵ Akatangar a singa Palandey na Carmelo so olom. Singa sankarakpan ya abel a balangaan so nilapir a buek mo; say karakpan to makasagyat na imanoy ari.

Kanta nen Solomon 7:5 Referans Kwoze

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Kanta nen Solomon 4:1

Agaylay gangganam, O inarok! Inmagayep iray matam ya asakbungan na bilom. Saray buek mo et singa olup na kanding a manggagalaw ed alusadsar na kapokdulan na Galaad.

Puyan 1:14

Say olo to tan say buek to et ampoti a singa kinapoti na bagoy karniro, o kinapoti na kapes, tan saray mata to et mandarlang a singa apoy.

COLOSAS 2:19

Ag to mikakasakey ed Cristo ya olo tan kawalaay pakayari ed intiron laman, a natatagano tan naooksuy na saray langolangowan tan olaolat. Sikatoy mamapabaleg ed laman, onung ed linaway Dios.

COLOSAS 1:18

Si Cristo so olo na iglisia a laman to. Sikatoy nanlapwan na amiamin tan pangulowan ya Anak ya inmona-onan inmolid bilay, pian sikato so magmaliw a manona ed amin a ganagana.

TAGA-EFESO 1:22

Say Dios pinasuko toy amin a bengatla ed Cristo, a sikatoy inter tod iglisia a sankatageyan a panguloy amin a bengatla.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Mateo 18:20

Ta inerman so pantitiponay duara o taloran totoo lapud siak, wala ak ed nanleleetan da.”

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Kanta nen Solomon 5:11

Malagansa so lupa to tan pino-pino; kolet tan andeket a singa wawak so buek to.

Kanta nen Solomon 1:17

saray kiew a sidro so panoksulan na abung ta, tan tablan sipris so bobida.

Saray Salmo 87:2

inaro to niy siudad na Jerusalem nen say dinan man a pasen ed Israel.

Saray Salmo 68:24

O Dios, nanenengneng na amin a totoo so parada na impanalom, say libot na Dios ya arik a mamapaarap ed santuario to.

Genesis 32:26

Inkuanto may too, “Paonlam ak la, ta asingger lay kabwasan.” “Andi, no ag mo ak ni bindisionan,” ebat nen Jacob.

Probirbio 5:19

Say asawam et magana tan balibaliy kagagawa to a singa ulsa. Panliketen ka komun na ganggana to; nalingbus ka komun na aro to.

Saray Bilang 21:26

Say Hesbon et manonan siudad na ari da ray Amorreo a si Sehon ya akibakal nen saman ed ari na Moab tan adakep toy intiron dalin to ya anggad Ilog na Arnon.

Kanta nen Solomon 4:4

Say beklew mo et singa tori nen David, malimpek tan pino-pinoy baog to; walay kuintas ton singa akasabit a sanlibon samper na sondalo.