Kanta nen Solomon 7:4 - Maung A Balita Biblia

⁴ Singa torin garing so beklew mo. Saray matam et singa saray dipositoway danum ed Hesbon, diad asingger ed puirta na saman a matalonggaring a siudad. Matondiris so eleng mon singa torid Libano ya ososdungan toy Damasco.

Maung a Balita Biblia

⁴ Singa torin garing so beklew mo. Saray matam et singa saray dipositoway danum ed Hesbon, diad asingger ed puirta na saman a matalonggaring a siudad. Matondiris so eleng mon singa torid Libano ya ososdungan toy Damasco.

Kanta nen Solomon 7:4 Referans Kwoze

Kanta nen Solomon 4:4

Say beklew mo et singa tori nen David, malimpek tan pino-pinoy baog to; walay kuintas ton singa akasabit a sanlibon samper na sondalo.

Saray Salmo 144:12

Singa komun saray tanaman ya ombabaleg tan ombibiskeg iray anak min babalolaki. Singa komun saray ankabaleg a lusek a mamaparakep ed sokusokung na palasio iray anak min mamarikit.

Saray Hebreo 5:14

Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Kanta nen Solomon 6:5

Ag mo inenengneng ed siak iray matam; ompepeket irad siak kanyan ag ak makagalaw. Saray buek mo et singa olup na kanding a manggagalaw ed alusadsar na kapokdulan na Galaad.

Kanta nen Solomon 4:1

Agaylay gangganam, O inarok! Inmagayep iray matam ya asakbungan na bilom. Saray buek mo et singa olup na kanding a manggagalaw ed alusadsar na kapokdulan na Galaad.

Kanta nen Solomon 1:10

Agaylay dakep na buek mon manasakbung na lupam; singa ra alahas a mansaloyloy ed tenger mo.

Saray Salmo 45:8

Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

2 Saray Awaran 8:6

say siudad na Baalat, amin da ray siudad a panangisempenan toy abasto, tan saray siudad a pananginan na saray kabayo to tan saray karwahi. Sinumpal ton amin iray plano ton ipaalagey ed Jerusalem, diad Libano, tan diad intiron dalin a panooleyan to.

1 Saray Arari 22:39

Nisulat ed libron Say Awaran da ray Ararid Israel iray arum nin ginagawa nen Ari Acab, pati say nipaakar ed palasio ton garing tan saray siudad ya impapaalagey to.

1 Saray Arari 10:22

Wala ray bapor ton ombibiahid Tarsis a kaiba da ray bapor nen Hiram. Kapag kayariy taloy taon ompawil iran sankaawit da ray balituk, pilak, garing, tan saray bakes ya ankelag tan ankabaleg.

1 Saray Arari 10:18

Nanggawa met na baleg a tronon garing tan inokupan to na sankaabigan a balituk.

1 Saray Arari 9:19

saray baley a panagsinupan na saray abasto to, saray baley a kawalaan da ray kabayo tan saray karwahi to, tan saray arum a nilabay ton inpaalagey ed Jerusalem, diad Libano, tan diad saray arum a pasen ed nanarian.

1 Saray Arari 7:2

Limamplon mitro so karokey na Baleg a Kuarton Takel na Libano, duamplo tan liman mitro so kaawang to, tan labinliman mitro so kaatagey to. Walay taloran talonton a sidron lusek to, labinlima a lusek so kapag talonton, tan wala ray sidro a panuksolan ya akapeket ed kapag talonton. Sidro met so bubida to, tan nituloy ed saray panagsinupan a kuarto ya inagto met ira na saray lusek.

2 Samuel 8:6

Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

Genesis 15:2

Balet inkuanen Abram, “Katawan a DIOS, antoy kaabigan ya iter ed siak na tumang mo, anta anggapo met so anak ko. Si Eliezer labat a taga Damasco so tumatawir ko.

Kanta nen Solomon 4:5

Saray susom et singa ra saray korso; singa ra siping ya ulsa a mamangakan ed kawalaan da ray lirio.