3 Singa siping ya ulsa iray susom, singa ra duaran korso.
Saray susom et singa ra saray korso; singa ra siping ya ulsa a mamangakan ed kawalaan da ray lirio.
Ampoti-potin singa karniron kapanames iray ngipen mo. Anggapon balut so ngileb mo tan balibaliy impanpepetekan da ray ngipen mo.
“Si Neftali et sakey ya ulsa a batik-batik ya anggan iner, Tan makapalikliket iray anak ton ankekelag.
Say asawam et magana tan balibaliy kagagawa to a singa ulsa. Panliketen ka komun na ganggana to; nalingbus ka komun na aro to.
Awalaan ka na poseg a singa malim limpek a losur, ya ag balut nanaandian na masamit ya alak. Say balangbang mo et singa aberber a trigon pinalot, tan apaliberan na saray lirio.