Kanta nen Solomon 5:1 - Maung A Balita Biblia

¹ Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Maung a Balita Biblia

¹ Linmoob ak la ed tanamanan ko, O inarok, O nobiak. Manaala ak na saray tanamanan kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Kanta nen Solomon 5:1 Referans Kwoze

Kanta nen Solomon 6:2

Say inarok et linmad tanamanan to, a tutuboan na saray kiew a balsamo. Pankakabkaben tod tanamanan iray karniro to,

Kanta nen Solomon 4:16

Bangon ka, Dagem ed Baybay. Dagem ed Abalaten, siplug ka ed tanamanan ko; panom na balingit so dagem. Paonlam pad tanamanan to so inarok ta mangan na saray sankaabigan a bunga.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Probirbio 9:5

“Gala dia, mangan kad kakanen ya imparaan ko tan inom kad alak a tinimplak.

Saray Gawgawa 11:29

Nampapaknaan da ray disipulo a mangiter iran amiy tulong ed saray agagin manaayam ed Judea, onung ed nayarian ya iter na balang sakey.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Lucas 12:4

“Kuankod sikayo, kakaarok, ya ag yo tatakotan iray mamatey na laman, balet kasumpal to et anggapo lay nagawaan da a lalon maoges.

Isaias 66:14

Manggayaga kayo naani no nanengneng yo yan nagawa; pabiskegen to kayo tan paabigen toy laman yo. Naamtaan yod satan a siak, say Katawan, tutulongan ko ray mangoonur ed siak, tan idapok so pasnuk kod saray kalaban ko.”

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.

Isaias 61:11

Anggapoy duaruwa ya ombasik tan ontubo iray bokel a nisibwag ed dalin, Ontan met ya anggapoy duaruwan ilaban na Katawan a Dios iray totoo to, Tan idayew na amin da ray bansa.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Kanta nen Solomon 8:13

Dengelen ko pay bosis mod tanamanan, O inarok; saray kakaarok et manaalagar iran ondengel ed sika.

TAGA-EFESO 5:18

Ag ki mambuebuek na alak, ta manderal labat ed sikayo; pampelengan yo ingen so kapano yoy Ispiritu.

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Isaias 23:18

Say kuartan natubo to ed nigosio et niyapay ed Katawan. Ag to isinup yan kuarta, no ag ingen ikana na saray manangigalang ed Katawan diad pansaliw da na tagano tan saray kawes a nakaukolan da.

Isaias 5:1

Dengel kayo legan kon manganta, sakey a kanta na kaarok nipaakar ed kaubasan to: Say kaarok walay kaubasan to ed toktok na pokdul a matabay dalin to.

Kanta nen Solomon 8:1

Oy la komun a sakey kan agik a laki, ya inasikaso na inak ed pagew to. Diad satan, no naabet ta kad dalan, nayarian ta kan anguban, et anggapoy walad karaklan.

Kanta nen Solomon 6:11

Linma ak ed kakiewan ya almindra ta nengnengen kod patar iray malangwer a tanaman, saray balon bulong na ubas tan saray rosas da ray kiew a granada.

Saray Salmo 16:3

Agaylay inkamaung da ray matoor a totoo na Katawan! Pakaliliketan kon maung a nakaiba ra.

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

Saray Huis 14:11

Nen anengneng na saray Filisteo si Samson, angibaki ra na talomplon tobun-balo ya akiayam ed sikato.

Saray Huis 14:20

Samay asawa to niiter ed lakin manonan angolup ed sikato nen nankasal.

Probirbio 24:13

Anak ko, mangan kay dilo, ta maung a kanen. Masamit ed dila so dilo a nanlapud obung na bayaong;

Ecclesiastes 2:5

Nanggawa ak na saray tanamanan tan saray plasa, tan tinaneman ko na saray nandoroman kiew a mambunga.

Kanta nen Solomon 1:13

Ambalbalingit a singa mira so inarok legan ton akasaral ed pagew ko.

Kanta nen Solomon 4:8

Mila kad siak a manlapud Kapalandeyan na Libano, O nobiak; gala ta taynan ta so Libano. Akseb kan manlapud toktok na Palandey na Amana, manlapud Palandey na Senir tan Palandey na Hermon, a panaayaman na saray lion tan saray liopardo.

Genesis 37:25

Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.