Kanta nen Solomon 4:8 - Maung A Balita Biblia

⁸ Mila kad siak a manlapud Kapalandeyan na Libano, O nobiak; gala ta taynan ta so Libano. Akseb kan manlapud toktok na Palandey na Amana, manlapud Palandey na Senir tan Palandey na Hermon, a panaayaman na saray lion tan saray liopardo.

Maung a Balita Biblia

⁸ Mila kad siak a manlapud Kapalandeyan na Libano, O nobiak; gala ta taynan ta so Libano. Akseb kan manlapud toktok na Palandey na Amana, manlapud Palandey na Senir tan Palandey na Hermon, a panaayaman na saray lion tan saray liopardo.

Kanta nen Solomon 4:8 Referans Kwoze

Deuteronomio 3:9

Saray Sidonio et tatawagen da na Sirion so Palandey na Hermon, balet saray Amorreo Senir so panatawag da.)

Kanta nen Solomon 2:13

Naluluto la ray bungay igos; mansamyung lay balingit na saray rosas da ray ubas. Gala sirin, O inarok; mila kad siak, O pinablik.

Saray Salmo 45:10

Sikan nubiay ari, dengel ka pad ibagak— lingwanan mo ray totoom tan saray kakanayon mo.

1 Saray Awaran 5:23

Saray kabyangan na kapalduay tribu nen Manases nanayam irad dalin na Basan ya Baal-hermon; Senir, tan Palandey na Hermon, dinmakerakel irad man.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Kanta nen Solomon 7:11

Gala, inarok, ta ompaway ta ed kaalogan tan mansanlabi tad man.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Saray Salmo 76:4

Ontan lay kagalangan mo, O Dios! Ontan lay inkatalonggaring mo legan mon ompapawil manlapud saray palandey ya analoan mod saray kalaban mo.

Saray Salmo 76:1

Say Dios kabat dad Juda; galgalangen day ngaran to ed Israel.

1 Saray Arari 4:33

Nansasalita na nipaakar ed saray kiew tan saray tanaman, manlapud saray sidro ed Libano ya anggad isopo ya ontutubod saray padir; nansasalita met na nipaakar ed saray ayayep, saray manok, saray ayayep ya onkokorung, tan saray sira.

Josue 12:1

Adakep tan panaayaman la na saray totood Israel so dalin a nibokig na Jordan, manlapud Patar na Arnon ya anggad Patar na Jordan tan diad Palandey na Hermon diad baybay. Duaran arari so tinalo ra.

Deuteronomio 3:25

Abuloyan mo pan makabaliw ak ed Ilog na Jordan, Katawan, pian nanengneng koy mataban dalin ed biek na ilog, say marakep a kapokdulan a dalin tan saray Kapalandeyan na Libano.’

2 Saray Arari 5:12

Insan, sakey ni, ag ta malinis ni ra may ilog na Abana tan Farpar diad Damasco nen say dinanman ya ilog diad Israel? Diman ak la komun nanoras, et apaabig ak la!”

Saray Salmo 72:16

Dakel komuy naani ed dalin; natoboan komun na tantanaman iray nipokpokdul a pasen, tan mabunga ran singa saray walad Libano. Napano komun na totoo iray siudad, a singa karakel na malambut a dikarikad alog.

Saray Salmo 89:12

Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Ezekiel 27:5

Inkana da ray saleng a nanlapud Palandey na Hermon. Say inkana ran palom et sakey a sengeg na sidro a nanlapud Libano.