Kanta nen Solomon 4:6 - Maung A Balita Biblia

⁶ Manayam ak ed palandey na mira, diad pokdul na insinso, ya anggad onsiplug so palayupoy na dagem na kabwasan tan onandipat lay kabilongetan.

Maung a Balita Biblia

⁶ Manayam ak ed palandey na mira, diad pokdul na insinso, ya anggad onsiplug so palayupoy na dagem na kabwasan tan onandipat lay kabilongetan.

Kanta nen Solomon 4:6 Referans Kwoze

Kanta nen Solomon 2:17

ya anggad onsiplug lay dagem na kabwasan tan onandipat lay bilonget. O inarok, pawil kan singa korso, pawil kan singa kalakyan a kilaw na ulsa, ed kapalandeyan na Beter.

Kanta nen Solomon 4:14

saray sapron, kalamus, tan sinamon, odino amin a klasiy insinso. Ontutubod man iray mira, aloe tan amin a sankabalingitan a pabalingit.

Lucas 1:78

Maaro tan mapangasiy Dios tayo. Iwandag toy maliwliwawan agew na kilalaban ed sikatayo,

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

1 Juan 2:8

Bangbalet say ganggan ya isusulat kod sikayo et balo, tan anengneng so katwaan to ed Cristo tan ontan met ed sikayo. Ta nanaandi lay kabilongetan tan onsisindag lay petepeteg a silew.

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Saray Salmo 66:15

Mangisaklang ak na karniron popoolan ed altar; mangibagat ak na saray bakan kalakyan tan saray kanding, et ontagey ed tawen so asewek da.

Exodo 37:29

Nanggawa met na masanton larak a panagpoyuk tan say puron ambalingit ya insinso; ginawa to ra a singa panaggaway pabalingit.

Exodo 30:8

Onya met so gawaen to no selselan to ray lamparaan no labi. Sayan bagat na insinso et mansiansia lawas ya anggan kapigan.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Kanta nen Solomon 8:14

O Inarok, gala diad siak, ganatan mon singa korso, singa kalakyan a kilaw na ulsa ed kapalandeyan a tutuboan na tanaman a gagawaen a pabalingit.