Kanta nen Solomon 4:3 - Maung A Balita Biblia

³ Singa ambalbalangan laso so bibil mo; agaylay dakep da no mansasalita ka. Manilengsileng iray aping mon asakbungan na bilom.

Maung a Balita Biblia

³ Singa ambalbalangan laso so bibil mo; agaylay dakep da no mansasalita ka. Manilengsileng iray aping mon asakbungan na bilom.

Kanta nen Solomon 4:3 Referans Kwoze

Kanta nen Solomon 6:7

Manilengsileng iray aping mo ya asakbungan na bilom.

Kanta nen Solomon 5:16

Masamsamit ya anguban so sangi to; panliketan koy amin a nipaakar ed sikato. Onya so kapara na inarok, O bibiid Jerusalem.

Josue 2:18

Onyay nepeg mon gawaen. No looban miy dalin yo, iberber mo yan ambalangan koldon ed bintanan angilasuran mod sikami. Tawad mod abung mo ray ateng mo, saray agagim a lalaki tan amin a kabyangay pamilya nen amam.

Saray Hebreo 9:19

Imbawag nen Moises ed amin a totoo so balang totontonen ed Ganggan. Kasumpal to, inala toy dala na saray kanding tan saray kilaw a baka, tan danum. Insawsaw toy sangay kiew ya isopo tan say ambalangan lana, insan to winalsikan so libro na Ganggan tan amin da ray totoo.

COLOSAS 4:6

Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

Lucas 4:22

Indayew na amin a totoo, tan mankelaw irad saray mararakep a salita to. “Aliwa tan sikato ya may anak nen Jose?” tepet da.

Mateo 12:35

Maung so manlapud maung a too, lapud napnoy puso to na kamaungan. Maoges so manlapud maoges a too, lapud napnoy puso to na kaogsan.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Kanta nen Solomon 7:9

tan singa sankasamitan ya alak so sangim. Ontan sirin onagos komun a balibali so alak ed inarok, onagos ed saray bibil tan saray ngipen to.

Kanta nen Solomon 5:13

Saray aping to et singa ra marakerakep a tanamanan, a napno na saray tanaman ya ambalbalingit. Singa saray lirio iray bibil to; ambasa-basa ra na mira.

Kanta nen Solomon 4:11

Walad bibil mo so taway na dilo, O inarok; gatas tan dilo a para siak so dilam. Walad kawes mo so amin a balingit na Libano.

Probirbio 31:26

Mapalna tan napno na kakabatan so panagsalita to.

Probirbio 10:13

Makabaliksan iray salitaen na toon makabat, balet nepeg a nadusa iray makulang-kulang.

Saray Salmo 119:13

Olit-oliten kon ibelyaw ya amin iray ganggan ya inter mo.

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

Saray Salmo 37:30

Say maung a too kakabatan so ibabalikas to, tan kaptekan so sasalitaen to.

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Saray Bilang 19:6

Insan samay pari mangala na kiew a sidro, sangay isopo, tan sakey ya ambalangan koldon tan ibontuk to rad apoy.

Saray Bilang 4:8

Sakbungan da ra ya na ambalangan abel, tapewan da na pinon katat insan da isolung iray tiken a panagsakbatan.

Levitico 14:6

Alaen to may sananey a manok tan isawsaw tod dala na samay pinatey a manok; isawsaw to met imay kiew a sidro, samay ambalangan koldon, tan samay sangay isopo.

Levitico 14:4

say pari iganggan to a niakar ed sikato so duaran manok a malinis onung ed ganggan, sakey a poter na kiew a sidro, sakey ya ambalangan koldon, tan sakey a sangay isopo.

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Kanta nen Solomon 1:5

Bibiid Jerusalem, andeket ak balet maganggana ak, andeket ak a singa saray tulda ed Kedar, balet maganggana ak a singa kurtinad palasio nen Solomon.