Kanta nen Solomon 4:16 - Maung A Balita Biblia

¹⁶ Bangon ka, Dagem ed Baybay. Dagem ed Abalaten, siplug ka ed tanamanan ko; panom na balingit so dagem. Paonlam pad tanamanan to so inarok ta mangan na saray sankaabigan a bunga.

Maung a Balita Biblia

¹⁶ Bangon ka, Dagem ed Baybay. Dagem ed Abalaten, siplug ka ed tanamanan ko; panom na balingit so dagem. Paonlam pad tanamanan to so inarok ta mangan na saray sankaabigan a bunga.

Kanta nen Solomon 4:16 Referans Kwoze

Kanta nen Solomon 6:2

Say inarok et linmad tanamanan to, a tutuboan na saray kiew a balsamo. Pankakabkaben tod tanamanan iray karniro to,

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Ezekiel 37:9

Inkuan na Dios ed siak, “Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.”

Saray Taga Roma 15:28

Kanyan kasumpal kon niiter la yan tulong, onsamar ak ditan no onla ak ed Espanya.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Gawgawa 4:31

Kasumpal dan nampikasi, ayegyeg may nantitiponan da. Napno ran amin na Ispiritu Santo, tan anggapoy takot dan balut a nampupulong na salitay Dios.

Juan 5:8

Inkuanen Jesus ed sikato, “Alagey ka, libit moy dokulan mo, tan manakar ka.”

Juan 3:8

Onsiplug so dagem ed inerman a pasen a labay to, et narengel moy siplug to, balet ag mo amta no iner so panlalapwan tan lalaen to. Ontan met so kipapasey balang sakey a nianak ed Ispiritu.”

Mateo 26:12

Kinalboan toy laman ko na pabalingit a pangiparaan na pangipompon ed siak.

Mateo 26:10

Amta nen Jesus so ibabaga ra, kanyan inkuanto, “Akin et balbalawen yo yan bii? Maabig tan marakep yan ginawa tod siak.

Isaias 64:1

Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Kanta nen Solomon 8:12

Solomon, kayaryan mo la tay sanlibon pilak a kuarta, tan saray dumaralus kayaryan da lay duanlasus a pilak a kuarta. Wala met so kayaryan kon dili a kaubasan.

Kanta nen Solomon 2:3

Sakey a kiew na mansanas a walad takel so aliling na inarok ed kawalaan da ray arum a lalaki. Labalabay koy onyorung ed anino na saman a kiew; masamsamit so pakataway ko ed saray bunga to.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Ecclesiastes 1:6

Onsisiplug so dagem ed abalaten, onsisiplug ed baybay—ontetelek tan ompapawil tan pawil-pawil labat ya onsiplug.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

Ecclesiastes 2:5

Nanggawa ak na saray tanamanan tan saray plasa, tan tinaneman ko na saray nandoroman kiew a mambunga.

Kanta nen Solomon 1:13

Ambalbalingit a singa mira so inarok legan ton akasaral ed pagew ko.

Kanta nen Solomon 2:8

Narerengel koy bosis na inarok. Mambabtik ya ombebeltang ed kapalandeyan tan kapokdulan diad iyaasingger tod kawalaan ko.