Kanta nen Solomon 4:1 - Maung A Balita Biblia

¹ Agaylay gangganam, O inarok! Inmagayep iray matam ya asakbungan na bilom. Saray buek mo et singa olup na kanding a manggagalaw ed alusadsar na kapokdulan na Galaad.

Maung a Balita Biblia

¹ Agaylay gangganam, O inarok! Inmagayep iray matam ya asakbungan na bilom. Saray buek mo et singa olup na kanding a manggagalaw ed alusadsar na kapokdulan na Galaad.

Kanta nen Solomon 4:1 Referans Kwoze

Kanta nen Solomon 1:15

Alay gangganam, O inarok; inmagayep iray matam!

Kanta nen Solomon 6:5

Ag mo inenengneng ed siak iray matam; ompepeket irad siak kanyan ag ak makagalaw. Saray buek mo et singa olup na kanding a manggagalaw ed alusadsar na kapokdulan na Galaad.

Kanta nen Solomon 6:7

Manilengsileng iray aping mo ya asakbungan na bilom.

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Kanta nen Solomon 7:5

Akatangar a singa Palandey na Carmelo so olom. Singa sankarakpan ya abel a balangaan so nilapir a buek mo; say karakpan to makasagyat na imanoy ari.

Kanta nen Solomon 2:14

Singa ka malapatin onaamut ed lengat na baleg a bato. Nengnengen ko pa tay malimgas a lupam tan dengelen ko pay masamsamit a bosis mo.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

Ezekiel 16:14

Lapud ayadyarin gangganam, nibantug ka ed amin a bansa, tan nibantug ka lapud siak so amagangganan maung ed sika.” Sikato ya so ibabaga na Katawan a Dios.

Kanta nen Solomon 2:10

Mitotongtong ed siak so inarok. Gala sirin, O inarok; mila kad siak, O pinablik.

Saray Salmo 45:11

Lapud gangganam, pampirawatan kay ari; sikatoy katawan mo, kanyan nepeg mon onuren.

Saray Bilang 32:40

Kanyan si Moises inter to so Galaad ed saray kabyangay boleg nen Makir, tan nanayam irad man.

Saray Bilang 32:1

Saray tribu di Ruben tan Gad et dakerakel so baka ra. Nen anengneng dan balibalin pampastolan na baka so dalin na Jazer tan Galaad,

Jeremias 22:6

“Para say siak say palasiod Juda et marakep a singa dalin na Galaad tan kaparpara na Saray Palandey na Libano; balet pagmaliwen kon kalawakan ya anggapoy toon manaayam.