Kanta nen Solomon 3:4 - Maung A Balita Biblia

⁴ Kataynan kod arapan da, arumog koy inarok. Binembenan ko tan ag ko inikbanan ya anggad niyakar kod abung nen inak, tan pinaloob kod kuarton nianakan ko.

Maung a Balita Biblia

⁴ Kataynan kod arapan da, arumog koy inarok. Binembenan ko tan ag ko inikbanan ya anggad niyakar kod abung nen inak, tan pinaloob kod kuarton nianakan ko.

Kanta nen Solomon 3:4 Referans Kwoze

Kanta nen Solomon 8:2

Iyakar ta kad abung nen inak, a dimay pangibangatan mod siak no antoy kabaliksan na panangaro. Itdan ta kay masamsamit ya alak, say alak kon ginawad bungay granada.

Probirbio 8:17

Inarok iray mangaarod siak; narumog ak na saray maseet a manaanap ed siak.

Probirbio 4:13

Nunot mo lawas so naaral mo. Say aral mo sikatoy bilay mo—simpitan mon maung.

Mateo 7:7

“Kerew kayo, et naitdan kayo. Mananap kayo, et makalmo kayo. Toktok kayo, et nalokasan a para sikayo so puirta.

Saray Tagleey 3:25

Maung so Katawan ed amin a totoon manmamatalek ed sikato;

Jeremias 29:13

Anapen yo ak et narumog yo ak, lapud anapen yo ak ed intiron puso yo.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Kanta nen Solomon 6:12

Manggiwgiw ak; impanpilalek mo ak a mangaro, a singa say pampilpilalek a mibakal na kutsiro na karwahi.

TAGA GALACIA 4:26

Balet say mangatatawen a Jerusalem et aliwan aripen, tan sikatoy ina tayo.

Mateo 28:9

Kabebekta inabet nen Jesus ira tan inkuanto, “Say kareenan komuy walad sikayo!” Sinmingger irad sikato, inegnaan da ray sali to tan inggalang da.

Kanta nen Solomon 7:5

Akatangar a singa Palandey na Carmelo so olom. Singa sankarakpan ya abel a balangaan so nilapir a buek mo; say karakpan to makasagyat na imanoy ari.

Genesis 32:26

Inkuanto may too, “Paonlam ak la, ta asingger lay kabwasan.” “Andi, no ag mo ak ni bindisionan,” ebat nen Jacob.

Saray Taga Roma 8:35

Siopa sirin so makapangisian ed sikatayod panangaro nen Cristo? Say segsegang, o say ermen, o say kairapan, o say eras, o say kaandiay ikawes, o say kaatapay bilay, o say patey?

Saray Taga Roma 8:39

o anggan say katageyan, o say anggan anton pinalsa—amin da ra ya et ag ira makapangisian ed sikatayo ed panangaroy Dios ya inter tod sikatayo diad panamegley nen Cristo Jesus a Katawan tayo.

Kanta nen Solomon 1:7

Ibagam ed siak, O inarok, Iner so pampakabkaban mod saray karnirom? Iner so pampainawaan da no kaagewan? Akin et anapen ta ka nid saray karniro da ray arum a pumapastol?