Kanta nen Solomon 3:2 - Maung A Balita Biblia

² Binmangon ak tan linma ak ed kaliber-liber na siudad, nanakar-akar ak ed saray dalan tan diad saray plasa. Inanap ko lan inanap so inarok, balet ag ko narumog.

Maung a Balita Biblia

² Binmangon ak tan linma ak ed kaliber-liber na siudad, nanakar-akar ak ed saray dalan tan diad saray plasa. Inanap ko lan inanap so inarok, balet ag ko narumog.

Kanta nen Solomon 3:2 Referans Kwoze

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

1 CORINTO 15:34

Pawil kayod maptek a panagnunot yo tan ibeneg yo la ray kasalanan yo. Pigarad sikayo so ag makapikabat ed Dios; ibabagak ya, pian nabaingan kayo.

Saray Taga Roma 13:11

Nepeg yo yan gawaen lapud amta yo no anto la yan panaon. Panaon lan nepeg kayon onliing, ta say kilalaban tayo et magano la natan nen samay inggapo tayon manisia.

Juan 1:6

Imbaki na Dios so sakey a toon manngaray Juan.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Kanta nen Solomon 5:5

Akaparaan ak la a mamaloob ed sikato. Apoyukan la na mira so intiron limak, ambasa-basa na mira iray gamet ko, nen inegnaan ko may lokasay puirta.

Probirbio 8:34

Maliket so toon ondedengel ed siak— say toon manaayam ya inagew-agew ed puirtak, a manaalagar ed lolooban na abung ko.

Kanta nen Solomon 3:3

Anengneng ak na saray guardia nen manaakar-akar iran mambantay ed siudad. Tinepet kod sikara, “Anengneng yoy lakin inarok?”

Kanta nen Solomon 1:7

Ibagam ed siak, O inarok, Iner so pampakabkaban mod saray karnirom? Iner so pampainawaan da no kaagewan? Akin et anapen ta ka nid saray karniro da ray arum a pumapastol?