Kanta nen Solomon 3:11 - Maung A Balita Biblia

¹¹ Bibiid Sion, gali dia ta nengneng yoy Ari Solomon. Akakorona na koronan intoon nen ina to diad samay agew na impankasal to, diad samay agew na impanliket tan impanggayaga to.

Maung a Balita Biblia

¹¹ Bibiid Sion, gali dia ta nengneng yoy Ari Solomon Akakorona na koronan intoon nen ina to diad samay agew na impankasal to, diad samay agew na impanliket tan impanggayaga to.

Kanta nen Solomon 3:11 Referans Kwoze

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

Mateo 12:42

Diad Agew na Okum onalagey so Riyna Seba tan akusaen to kayo, ta nanlapud arawdawin pasen ya ondengel labat ed kakabatan nen Solomon. Balet kuankod sikayo a wadyay lalon makapanyari nen si Solomon!”

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Saray Salmo 9:14

pian nayarian koy ontalindeg ed arap da ray totood Jerusalem, tan nibawag kod sikaray makasengeg na pangidadayew kod sika. Manliket ak ta inlaban mo ak.

Puyan 19:12

Singa manliub ya apoy iray mata to, tan amayamay iray koronad olo to. Akasulat ed laman to so ngaran to, balet sikato labat so makaamta na kabaliksan to.

Puyan 19:7

Nepeg tayoy manliket tan manggayaga; iter tayoy galang ed sikato! Ta asingger lan mankasal so Kordiro. Say nobia imparaan to lay sikaton dili;

Saray Hebreo 2:9

Balet nanenengneng tayoy Jesus! Diad aganon panaon apaabeba nen saray anghil, pian diad panamegley na baleg a panangaroy Dios, nepeg ya ompatey para amin a katoowan. Nanenengneng tayo ya akoronaan natan na kagalangan tan dayew lapud asagmak ton kairapan ed impatey to.

COLOSAS 1:18

Si Cristo so olo na iglisia a laman to. Sikatoy nanlapwan na amiamin tan pangulowan ya Anak ya inmona-onan inmolid bilay, pian sikato so magmaliw a manona ed amin a ganagana.

Juan 15:11

“Imbagak ira yad sikayo, pian niwala ed sikayo so liket ko, tan nayadyari so liket yo.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Kanta nen Solomon 8:5

Siopa yay onsasabin manlalapud kalawakan, ya akatabin ed inaro to? Binangon ta kad silong na mansanas, diad pasen a nianakan mo.

Kanta nen Solomon 7:11

Gala, inarok, ta ompaway ta ed kaalogan tan mansanlabi tad man.

Kanta nen Solomon 2:7

Isipan yod siak, sikayon bibiid Jerusalem; mansamba kayod ngaran na mabatik ya ulsa odino diad ayep o korso ya ag yo kami sisigensigenen ed arowan min dua.

Kanta nen Solomon 1:5

Bibiid Jerusalem, andeket ak balet maganggana ak, andeket ak a singa saray tulda ed Kedar, balet maganggana ak a singa kurtinad palasio nen Solomon.

Saray Salmo 48:11

panggayagam pa ray totood Sion! Matonung so pananintinsiam, wala komuy gayaga ed saray siudad na Juda.

Zacarias 6:11

Gawam a korona iray balituk tan pilak ya iniiter da, insan mo ipatoon ed olo na Pangulon Pari a si Josue a lakin anak nen Jehosadak.