Kanta nen Solomon 2:12 - Maung A Balita Biblia

¹² ombubuskag la ray rosas ed kaalogan. Panaon la natan na panagkanta; narerengel lay oni da ray malapati ed kaalogan.

Maung a Balita Biblia

¹² ombubuskag la ray rosas ed kaalogan. Panaon la natan na panagkanta; narerengel lay oni da ray malapati ed kaalogan.

Kanta nen Solomon 2:12 Referans Kwoze

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

Jeremias 8:7

Anggan saray gikgik ed liwang amta ra no oras lay kapapawil; saray malapati, saray mangalimpana, tan saray dolakak amta ra no kapigay iyakar dad arum a pasen a panayaman da. Balet, sikayo ran totook, ag yo amta ray ganggan ko a nepeg yo ran onuren.

Saray Salmo 89:15

Agaylay liket da ray totoon mangigagalang ed sika diad panamegley na saray kanta, saray mambibilay onung ed panangasim!

Kanta nen Solomon 6:11

Linma ak ed kakiewan ya almindra ta nengnengen kod patar iray malangwer a tanaman, saray balon bulong na ubas tan saray rosas da ray kiew a granada.

Kanta nen Solomon 6:2

Say inarok et linmad tanamanan to, a tutuboan na saray kiew a balsamo. Pankakabkaben tod tanamanan iray karniro to,

Genesis 15:9

Inmebat, “Awit ka diay sakey a baka, sakey a kanding, tan sakey a karniro, a mantaon iran amin na talora. Awit ka dia met na sakey a sibong na malapati tan sakey a palekpek.”

Saray Salmo 74:19

Ag mo pa papaolyan iray pangaskasiyan a totoom ed saray maruksan kalaban da; ag mo pa lilingwanan iray totoom a napapairap!

Kanta nen Solomon 2:11

Asumpal lay panaon na ambetel; tinmonda lay nepnep;