Kanta nen Solomon 1:6 - Maung A Balita Biblia

⁶ Ag yo ak memelag-melagen lapud kolor na baog ko, lapud tinektek ak na agew. Akapasnuk ed siak nen saman iray agagik a lalaki, kanyan impankimey da ak ed kaubasan. Anggapoy oras kod saman a nanasikasod laman kon dili.

Maung a Balita Biblia

⁶ Ag yo ak memelag-melagen lapud kolor na baog ko, lapud tinektek ak na agew. Akapasnuk ed siak nen saman iray agagik a lalaki, kanyan impankimey da ak ed kaubasan. Anggapoy oras kod saman a nanasikasod laman kon dili.

Kanta nen Solomon 1:6 Referans Kwoze

Saray Salmo 69:8

Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Say Libro nen Job 30:30

Nagmaliw ya andeket so baog ko; napopoolan ed kapepetang ko.

TAGA GALACIA 4:29

No panoy impamapairap nen saman na inanak onung ed panaganak na karaklan ed inanak onung ed Ispiritu na Dios, ontan met natan.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Marcos 4:6

Balet nen atagey lay agew, nalnes tan amagaan ira, lapud ataptapew iray lamut da.

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!”

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Mikias 7:6

Diad sarayan panaon saray lalakin anak et ipapasen dan makulang-kulang iray kaamaan da, sumpaen na saray bibii so kainaan da, tan kolkolen na saray malangwer a bibii iray katolangan dan bibii; saray kalaban na sakey a laki et saray dilin kabyangan na pamilya to.

Saray Tagleey 4:8

Diad saray dalan ag la ra nabirbir natan, ta dinmeket a singa oring so kalupaan da; singa amagan kiew lay baog dan kinmomanet tan kapokepokel la ra.

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Jeremias 8:21

Asugat so pusok lapud asugat iray totook. Maneermen ak; sigput a nakalan ak na biskeg na linawa.