Kanta nen Solomon 1:5 - Maung A Balita Biblia

⁵ Bibiid Jerusalem, andeket ak balet maganggana ak, andeket ak a singa saray tulda ed Kedar, balet maganggana ak a singa kurtinad palasio nen Solomon.

Maung a Balita Biblia

⁵ Bibiid Jerusalem, andeket ak balet maganggana ak, andeket ak a singa saray tulda ed Kedar, balet maganggana ak a singa kurtinad palasio nen Solomon.

Kanta nen Solomon 1:5 Referans Kwoze

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Kanta nen Solomon 5:16

Masamsamit ya anguban so sangi to; panliketan koy amin a nipaakar ed sikato. Onya so kapara na inarok, O bibiid Jerusalem.

Kanta nen Solomon 5:8

Isipan yod siak, O bibiid Jerusalem, no narumog yo may inarok, ibaga yod sikato a makapoy ak lapud panangaro.

Kanta nen Solomon 2:14

Singa ka malapatin onaamut ed lengat na baleg a bato. Nengnengen ko pa tay malimgas a lupam tan dengelen ko pay masamsamit a bosis mo.

Kanta nen Solomon 2:7

Isipan yod siak, sikayon bibiid Jerusalem; mansamba kayod ngaran na mabatik ya ulsa odino diad ayep o korso ya ag yo kami sisigensigenen ed arowan min dua.

Saray Salmo 120:5

Say piamung ed sikayo et singa kaoges na panayam ed Mesec o piamung ed saray taga Kedar!

Saray Taga Roma 13:14

Balet panoleyen yo lan sigput ed bilay yo so Katawan a Jesu-Cristo, tan ibeneg yo lay makasalanan ya inkatoo yo, pian ag yo la nagawaay labay to.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Mateo 22:11

“Samay ari linmoob a nengnengen to ray sangkaili. Anengneng toy sakey a lakin ag akakawes na pibabansal.

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!”

Ezekiel 16:14

Lapud ayadyarin gangganam, nibantug ka ed amin a bansa, tan nibantug ka lapud siak so amagangganan maung ed sika.” Sikato ya so ibabaga na Katawan a Dios.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Kanta nen Solomon 6:4

O inarok, maganggana kan singa Tirza; balibali kan singa siudad na Jerusalem; makapakelaw kan singa sarayan duaran matalonggaring a siudad.

Kanta nen Solomon 4:3

Singa ambalbalangan laso so bibil mo; agaylay dakep da no mansasalita ka. Manilengsileng iray aping mon asakbungan na bilom.

1 Juan 3:1

Nengneng yo so ontan lan panangaroy Ama ed sikatayo! Diad kabaleg na panangaro to atawag itayon anak na Dios—tan saya et tua. Ag itayo kabat na sankamundoan, ta say sankamundoan ag to akabat so Dios.

TAGA-EFESO 5:26

Ginawa to ya pian napasanto toy iglisia, kasumpal ton linisan diad panamegley na danum tan salita,

TAGA GALACIA 4:26

Balet say mangatatawen a Jerusalem et aliwan aripen, tan sikatoy ina tayo.

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.

Kanta nen Solomon 8:4

Isipan yod siak, sikayon bibiid Jerusalem, ya ag yo kami sisigensigenen ed arowan min dua.

Kanta nen Solomon 3:10

Saray lusek na trono et naokupan ira na pilak; abordaan na balituk so abel a sakbung to. Say kotsun to et naapisan na ambalbalangan abel, a lapud aro inabel na saray bibiin taga Jerusalem.

Kanta nen Solomon 3:5

Isipan yod siak, sikayon bibiid Jerusalem; mansamba kayod ngaran na mabatik ya ulsa tan diad ayep a korso ta ag yo kami sisigensigenen ed arowan min dua.

Saray Salmo 149:4

Naliliketay Katawan ed saray totoo to; papagalangan to ray mapaabeba diad pangiiter tod sikaray pananalo.

Saray Salmo 90:17

Katawan a Dios mi, bindisionan mo kami pa. Paaligwas mo kami pad amin a gagawaen mi!

Saray Salmo 45:9

Saray arum a bibiid palasiom et anak na saray arari, tan manalalagey so riyna ed nikawanay tronom, ya akaalahas na puron balituk.

Isaias 21:16

Insan inkuan ed siak na Katawan, “Diad loob na duga-rugan sakey taon mangangga so inkatalonggaring na saray tribu na Kedar.

Ezekiel 27:21

Saray taga Arabia tan saray manoley ed dalin na Kedar et imbayar dad saray lakom iray kordiro, karniro, tan kanding.