Kanta nen Solomon 1:2 - Maung A Balita Biblia

² Siak komun so angub-anguban mo na bibil mo; masamit nen say alak so panangarom.

Maung a Balita Biblia

² Siak komun so angub-anguban mo na bibil mo; masamit nen say alak so panangarom.

Kanta nen Solomon 1:2 Referans Kwoze

Kanta nen Solomon 4:10

Agaylay samit so panangarom, O inarok tan nobiak. Masamit ni so panangarom nen say alak; anggapoy makapipara ed pabalingit mo.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Saray Salmo 36:7

Mablin tuloy, O Dios, so ag mangoman a panangarom! Niyaagel kamid silong na saray payak mo.

Lucas 15:20

Inmalagey sirin, ta onla lan ompawil ed kinen ama to. “Arawi nid abung nen anengneng nen ama to. Atenyeg so puso nen ama to, kanyan inabet ton mambabtik, nilakap toy anak to, tan inanguban to.

Mateo 26:26

Nen peles dan mangakan, angalay tinapay si Jesus. Kasumpal ton akisalamat ed Dios, pinipisag to, insan to inter ed saray disipulo to tan kuanto, “Ala yo ya tan akan yo; sikato yay laman ko.”

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Kanta nen Solomon 7:12

Ombangon ta a masakbay ta nengnengen tay kaubasan nengnengen ta ra no kasi onsisimit la ra, no kasi ombubuskag la ray rosas da, tan no kasi manrorosas la ray kiew a granada. Iter kod man ed sika so panangarok.

Kanta nen Solomon 7:9

tan singa sankasamitan ya alak so sangim. Ontan sirin onagos komun a balibali so alak ed inarok, onagos ed saray bibil tan saray ngipen to.

Kanta nen Solomon 2:4

Inyakar to ak ed kawalaan na ponsia ton baleg, et kinolibembenan to ak na panangaro to.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Saray Gawgawa 21:7

Manlapud Tiro, intuloy miy pambiabiahi mi ya anggad Tolemaida. Ninengneng mi ray agagid man tan nanayam kamid may sanagew.

Kanta nen Solomon 7:6

Agaylay simpit mo, agaylay gangganam; sigput so gayagan iiter na panangarom.

Kanta nen Solomon 5:16

Masamsamit ya anguban so sangi to; panliketan koy amin a nipaakar ed sikato. Onya so kapara na inarok, O bibiid Jerusalem.

1 Pedro 5:14

Mambabanowan kayod panamegley na macristianon angub. Nawalaan kayo komuy kareenan, amin yon mananombuk nen Cristo.

Genesis 45:15

Manakakis ni nen nilalakap tan inaanguban ton sansakey iray agagi to. Kasumpal to ya, akitongtong ed sikato ray agagi to.

Genesis 29:11

Insan to inanguban si Raquel, tan manakis ed liket to.