Kanta nen Solomon 1:13 - Maung A Balita Biblia

¹³ Ambalbalingit a singa mira so inarok legan ton akasaral ed pagew ko.

Maung a Balita Biblia

¹³ Ambalbalingit a singa mira so inarok legan ton akasaral ed pagew ko.

Kanta nen Solomon 1:13 Referans Kwoze

TAGA-EFESO 3:17

Ontan met a manayam komuy Cristo ed puso yo, diad panamegley na pananisia yod sikato. Ipipikasik ya onlamut tan onletneg kayo komun ed aro,

Juan 19:39

Akila met ed sikato si Nicodemo, samay linman aminsan ed kinen Jesus diad labi. Walay awit ton pabalingit ya impanlauk a mira tan aloe; sakey a limamplon kilo so belat to yan pabalingit.

Saray Salmo 45:8

Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

Kanta nen Solomon 5:13

Saray aping to et singa ra marakerakep a tanamanan, a napno na saray tanaman ya ambalbalingit. Singa saray lirio iray bibil to; ambasa-basa ra na mira.

Kanta nen Solomon 5:5

Akaparaan ak la a mamaloob ed sikato. Apoyukan la na mira so intiron limak, ambasa-basa na mira iray gamet ko, nen inegnaan ko may lokasay puirta.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Kanta nen Solomon 4:14

saray sapron, kalamus, tan sinamon, odino amin a klasiy insinso. Ontutubod man iray mira, aloe tan amin a sankabalingitan a pabalingit.

Kanta nen Solomon 4:6

Manayam ak ed palandey na mira, diad pokdul na insinso, ya anggad onsiplug so palayupoy na dagem na kabwasan tan onandipat lay kabilongetan.

Kanta nen Solomon 3:5

Isipan yod siak, sikayon bibiid Jerusalem; mansamba kayod ngaran na mabatik ya ulsa tan diad ayep a korso ta ag yo kami sisigensigenen ed arowan min dua.

Kanta nen Solomon 2:7

Isipan yod siak, sikayon bibiid Jerusalem; mansamba kayod ngaran na mabatik ya ulsa odino diad ayep o korso ya ag yo kami sisigensigenen ed arowan min dua.

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Kanta nen Solomon 4:16

Bangon ka, Dagem ed Baybay. Dagem ed Abalaten, siplug ka ed tanamanan ko; panom na balingit so dagem. Paonlam pad tanamanan to so inarok ta mangan na saray sankaabigan a bunga.