Kanta nen Solomon 1:12 - Maung A Balita Biblia

¹² Nen mandokdokul so arik ed katri to samyong na pabalingit koy inmalingernger ed kaliber-liber.

Maung a Balita Biblia

¹² Nen mandokdokul so arik ed katri to samyong na pabalingit koy inmalingernger ed kaliber-liber.

Kanta nen Solomon 1:12 Referans Kwoze

Juan 12:3

Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Puyan 3:20

Dengel ka! Akaalagey ak ed paway na puirta tan ontotoktok ak. No dengelen na siopaman so bosis ko tan lokasan toy puirta, onloob ak ed abung to tan mirongo ak ed sikato, tan mirongo ed siak.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

Marcos 14:3

Si Jesus walad abung nen Simon ya akating, diad Betania. Nen mangakan, inmasingger so sakey a biin sankaawit toy botilyan alabastro a napnoy mabmablin pabalingit a ginawad puron nardo. Binetag toy sangab na botilya, insan to inkalbod olo nen Jesus imay pabalingit.

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Mateo 22:11

“Samay ari linmoob a nengnengen to ray sangkaili. Anengneng toy sakey a lakin ag akakawes na pibabansal.

Mateo 22:4

Imbaki to ray arum ya aripen tan imbilin tod sikara: ‘Ibaga yod saray naimbitaan ya akaparaan lay ponsiak, pinatey ko la ray bakak tan saray pinataban kilaw. Akaparaan la ya amin, kanyan gali la!’

Kanta nen Solomon 7:5

Akatangar a singa Palandey na Carmelo so olom. Singa sankarakpan ya abel a balangaan so nilapir a buek mo; say karakpan to makasagyat na imanoy ari.

Saray Salmo 45:1

Mararakep iray salitan onsesepsep ed kanunotan ko, legan kon gagawaen yan kanta a para ari. Singa lapis na maung a mananulat, say dilak akaparaan lan mangibalikas na sakey ya anlong.

Kanta nen Solomon 1:11

Igawaan mi ka na pulsiras a balituk ya adikoraan na saray pilak.