Kanta nen Solomon 1:10 - Maung A Balita Biblia

¹⁰ Agaylay dakep na buek mon manasakbung na lupam; singa ra alahas a mansaloyloy ed tenger mo.

Maung a Balita Biblia

¹⁰ Agaylay dakep na buek mon manasakbung na lupam; singa ra alahas a mansaloyloy ed tenger mo.

Kanta nen Solomon 1:10 Referans Kwoze

1 Pedro 3:4

Say ganggana yo et nepeg a walad peteg ya inkatoo yon niamut ed puso yo, say ag onkupas a ganggana a katekep toy maoyamo tan mareen ya ogali. Sikato yay mabmabli ed matay Dios.

Kanta nen Solomon 5:13

Saray aping to et singa ra marakerakep a tanamanan, a napno na saray tanaman ya ambalbalingit. Singa saray lirio iray bibil to; ambasa-basa ra na mira.

Genesis 24:47

Nen tinepet kod sikato no siopay ama to, inebat ton say ama to et si Betuel ya anak nen Nacor tan Milca. Inyan kod satan so singsing ed eleng to tan saray pulsiras ed saray taklay to.

Kanta nen Solomon 4:9

Say linggis na matam tan say kuintas ya akasolung ed sika, O inarok tan nobiak, et atanggoyur day pusok.

Probirbio 1:9

Say bangat da et pamaungen toy ogalim a singa pamarakep ed nengneng mo na balibalin sombriro odino kolintas.

Saray Bilang 31:50

Kanyan inaawit mi ra diay balituk ya alahas, saray pulsiras, saray singsing, saray ikaw, tan saray kolintas ya inaala na balang sakey ed sikami. Iyapay mi ra ed Katawan a bayar ira na bilay mi, pian iyagel to kami.”

Genesis 41:42

Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Genesis 24:22

Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Genesis 24:53

Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.

Kanta nen Solomon 1:11

Igawaan mi ka na pulsiras a balituk ya adikoraan na saray pilak.