Judas 1:9 - Maung A Balita Biblia

⁹ Anggan si Miguel ya Arkanghil, nen akisingbatan ed kinen Diablo nipaakar ed bangkay nen Moises, ag to nitepel a sintinsiaan so Diablo na ansakit iran salita. Inkuanto, “Pampasnukan kay Katawan!”

Maung a Balita Biblia

⁹ Anggan si Miguel ya Arkanghil, nen akisingbatan ed kinen Diablo nipaakar ed bangkay nen Moises, ag to nitepel a sintinsiaan so Diablo na ansakit iran salita. Inkuanto, Pampasnukan kay Katawan!

Judas 1:9 Referans Kwoze

Zacarias 3:2

Samay anghil na Katawan kuantod kinen Satanas, “Dusaen ka komun na Katawan, sika Satanas! Dusaen ka komun na Katawan ya inaro to so Jerusalem. Sayan too et aliling toy sakey a pegpeg na kiew ya inalad kawalaay pool.”

2 Pedro 2:11

Balet saray anghil, ya anggan mabiskeg tan makapanyari ra nen saray tila-tilan bumabangat, et ag da ra ya memelagmelagen tan aakusaen ed arap na Katawan.

Puyan 12:7

Tinmerak ed satay bakal ed tawen! Nilabanan nen Miguel tan saray anghil to may dragon, ya akilaban a kaiba to ray anghil to.

Daniel 12:1

Samay anghil a linen so kawes to inkuanto, “Diad satan a panaon ompanengneng imay matalonggaring ya anghil Miguel a mangguaguardiad saray totoom. Insan la ondalan so panaon na ontan lan kairapan ya ag nin balut dinmalan nanlapu lad inletneg da ray bansa. No onsabiy tan a panaon, nilaban ya amin iray totoo na bansa a nisulat so kangaranan dad libro na Dios.

Deuteronomio 34:6

Say Katawan impompon tod sakey a patar na Moab a kapetekan na baley na Bet-peor, balet anggad sayan agew anggapo niy makaamtad pasen ya angipomponan ed sikato.

Daniel 10:13

Say prinsipin anghil na nanarian na Persia et sinumlang to ak na duamplo tan sakey ya agew. Insan si Miguel a sakey ed saray manonan anghil et dinmagon tinmulong ed siak, lapud bukbukor koy atilak ed Persia.

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.

1 TESALONICA 4:16

Diad satan ya agew, say dilin Katawan onakseb a manlapud tawen a kabansag toy sakey a nieyag a ganggan, bosis na arkanghil, tan say tanul na trumpitay Dios. Saray inaatey a mananisiad Cristo onona ran onolid bilay.

Marcos 15:29

Si Jesus pineyeng-peyengan tan pinapabaingan na saray totoon onlalabas: “Aha, aliwa tan sika may maneral na Timplo, insan mo ipaalagey ed loob na taloy agew?

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

1 Saray Awaran 12:17

Inabet ira nen David tan kuanto, “No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.”