Judas 1:8 - Maung A Balita Biblia

⁸ Ontan met, sarayan tila-tilan bumabangat, lapud saray kugkogip da, dodotakan da ray laman dan dili, balbalawen day pakayariy Dios, tan lemlemewen da ray gagalangen ya anghil.

Maung a Balita Biblia

⁸ Ontan met, sarayan tila-tilan bumabangat, lapud saray kugkogip da, dodotakan da ray laman dan dili, balbalawen day pakayariy Dios, tan lemlemewen da ray gagalangen ya anghil.

Judas 1:8 Referans Kwoze

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

1 Timoteo 1:10

saray managgaway inmoralidad, saray lalakin miaakdul ed kapara ran lalaki, saray managalay ogaw, saray matitila, saray tasin tilay tatasian da tan saray manggagaway antokaman ya onsumlang ed tuan bangat.

Saray Gawgawa 23:5

Inmebat si Pablo, “Ag ko amta, agagi, a sikato et Pangulon Pari manaya. Ta ibabagay Masanton Sulat, ‘Ag ka mansasalitay maoges sumpad manoley ed saray totoom!’”

Ecclesiastes 10:20

Ag mo isasamba so ari anggan diad maamut, tan ag mo isasamba so mayaman anggan diad dalem na kuartom, ompan nidalem kad sikara ta nanlayag so dalin.

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

1 CORINTO 3:17

No deralen na sakey a too so timplo na Dios, sikatoy deralen na Dios. Ta masanto so timplo na Dios, tan sikayo so timplo to.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

Saray Gawgawa 7:39

“Balet ag inonur na saray lalaki tayo, impolisay da, tan labay da lay ompawil ed Egipto.

Saray Gawgawa 7:27

Balet intolak na mamapairap ed samay sakey tan inkuanto, ‘Siopay angipasen ed sikan manoley tan huis mi?

Lucas 19:14

Balet kabosul na saray dilin kabaleyan to, kanyan kasiput to, angibaki ray mangibaga, ‘Ag mi labay a manarid sikami yan too.’

Probirbio 30:17

Say toon luludlureyen toy ama to odino balbalawen toy akolaw lan ina to et nepeg a kanen na saray buitri, odino ipatoktok ed saray wawak ed katakelan iray mata to.

Probirbio 30:11

Wala ray totoon isasamba ray kaamaan da, tan ag da pisasalamatan iray kainaan da.

Saray Bilang 16:3

Nantitipon ira ed arap di Moises tan Aaron tan kuandad sikara, “Nalalabas kayo la! Amin da ray totood Israel et kayaryan ira na Katawan, tan oolupen itayon amin na Katawan. Akin sirin, Moises, et ipapasen moy sikan dili ya atagey nen saray amin a katoowan?”

Genesis 3:5

Imbagay Dios itan ta amta to a no kanen yo, magmaliw kayon singa Dios ya amta yo no anto so maung tan maoges.”

Lucas 12:11

“No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Lucas 11:25

Ompawil sirin tan naalmoan to ya anggapoy manaayam, malinis, tan masinup.