Judas 1:4 - Maung A Balita Biblia

⁴ Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

Maung a Balita Biblia

⁴ Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

Judas 1:4 Referans Kwoze

TAGA GALACIA 2:4

Balet talagan labay a pasegat lawari na saray arum a totoon mankonkuanan ya agagi tan akilimuglimug irad sikami, pian nasiim day kawayangan ya inter nen Cristo Jesus ed sikami. Labay dan paaripen kami,

2 Pedro 2:10

lalo lad saray mangoonur ed maoges a liket na laman tan ag mangabkabilangan ed pakaoley na Dios. Bengatbengat tan mapaatagey ira yan ibabagak a tila-tilan bumabangat. Balbalawen tan pabpabaingan da ray gagalangen a pinalsan walad tawen.

1 Juan 2:22

Siopa sirin so matila? Say toon mangibabaga a si Jesus et aliwan sikatoy Cristo. Sikato yay Anticristo—ipopolisay toy Ama tan say Anak.

1 Pedro 2:16

Bolus kayo, balet ag yo gagawaey inkabolus yo a panakbung na antokaman a kaogsan, no ag ingen mambilay kayon aripey Dios.

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

2 Timoteo 3:6

Wala rad sikaray onloob ed kaabungan tan ipasen dad silong na pakayari ra iray bibiin anggapoy biskeg na linawa, a natatabunan ira na kasalanan tan aaripenen na nandoroman maoges a pilalek na laman.

TAGA GALACIA 5:13

Agagi, atawag kayon magmaliw a bolus. Balet ag yo ibabaraay inkabolus yo ed pangonur yod saray liket na laman. Mantutulongan kayo ingen lapud aro.

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 1:1

Maliket so toon ag ontotombuk ed simbawa da ray totoon maoges, ag to aaligey kagagawa da ray totoon makasalanan, tan ag mikakasakey ed saray totoon managbalaw na kamaungan.

Judas 1:15

pian sintinsiaan toy amin a katoowan tan dusaen to ray makasalanan lapud maoges iran gawgawa ra, tan lapud saray maoges a sinalita ra sumpad Dios!”

1 Pedro 4:18

Onung na ibabagay Masanton Sulat, “No mapmairap a nilaban iray maung a totoo, anto kasiy pansumpalay totoon makasalanan tan anggapoy Dios?”

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

Saray Gawgawa 15:24

Abalitaan min wala ray totoon nanlapud sikami a linmad tan a nanggogoloy kaisipan yo lapud saray imbabaga ra. Balet nepeg yon kabaten ya ag mi ra ingganggan.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Mateo 13:25

Sakey a labi balet, nen nanaogip iray totoo, walay dinmagon kalaban to ya angisibwag na saray bokel na dika; insan la linma.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

2 Samuel 22:5

Walad kaliber-liber ko so kaatapan na patey; saray daluyon a managderal tinatabunan da ak.

1 Timoteo 5:8

Balet siopamay ag mangasikasod kakanayon to, lautlad saray kabyangay dilin pamilya to, imbeneg to lay pananisia tan alabas ni nen say aliwan mananisia.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

2 Pedro 2:7

Balet inyagel na Dios si Lot, sakey a toon matonung ya agunigon a maung lapud makapabaing iran gawgawa da ray totoon maoges.

Judas 1:18

Inkuandad sikayo, “Diad kaonuran iran agew, ompaway iray managbalaw, totoon mangoonur na maoges iran pilalek da.”