Judas 1:12 - Maung A Balita Biblia

¹² Makarotarotak ira diad pirongo rad sikayo, lapud makapabaing a panangan da. Say laman da labat so nununoten da. Singa ra lorem ya ipapalig-palig na dagem, balet ag mangipelag na oran. Singa ra met kiew ya ag mambunga anggan panaoy panagbunga; aliling day kiew ya abagut anggad lamut, tan inate-atey la.

Maung a Balita Biblia

¹² Makarotarotak ira diad pirongo rad sikayo, lapud makapabaing a panangan da. Say laman da labat so nununoten da. Singa ra lorem ya ipapalig-palig na dagem, balet ag mangipelag na oran. Singa ra met kiew ya ag mambunga anggan panaoy panagbunga; aliling day kiew ya abagut anggad lamut, tan inate-atey la.

Judas 1:12 Referans Kwoze

Mateo 15:13

Inmebat si Jesus, “Nabagut so balang tanaman ya ag intanem na Amak a walad tawen.

Ezekiel 34:8

Andi-duaruwa a siak so mabilay a Dios; dinmengel kayo komun ed siak. Dinogpaan, pinatey tan binuag na saray ayayep ed katakelan iray karnirok lapud anggapoy mampastol ed sikara. Saray pumapastol ko et ag da inanap iray karnirok. Say laman dan dili so inaasikaso ra, aliwan saray karniro.

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

Probirbio 25:14

Saray totoon mangisisipan a mangiter ya ag da lamlamang totooren et aliling day lorem tan dagem ya ag lamlamang mangipepelag na oran.

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Lucas 8:6

Saray arum ya ilik, dinmapod dalin a batoy dalem to. Katubo ra, nalnes iran tampol ta amagay dalin a tinuboan da.

Ezekiel 34:10

Ibawag ko a siak a Katawan a Dios so kalaban yo. Ekalen kod sikayo ray karnirok tan ag ta kayo lan balut pampastolen ed sikara; ag ko la iyabuloy a say laman yon dili labat so asikasoen yo. Iyagel kod sikayo iray karnirok tan ag ko iyabuloy a kanen yo ra.

Ezekiel 34:2

Inkuanto, “Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.

Santiago 5:5

Nanlikeliket tan nanggaygayaga kayo diad tapew na dalin. Pinataba yo ray laman yon singa ra ayayep a pateyen ed niganan agew.

1 Timoteo 5:6

Balet say biin balo a mambibilay ed minumundon liket, inatey la anggaman a mabilay ni.

Lucas 16:19

“Walay sakey a mayaman a mabmabli ray kawes to tan agaylay abig so kakanen ton inagew-agew.

Lucas 12:45

Balet no ikuanto yan aripen ed sikaton dili, ‘Mabayag nin onsabiy amok.’ Gapoan tod satan a kabilen iray arum ya aripen, laki man o bii, tan mangan, oninom, tan mambuwek.

Marcos 4:6

Balet nen atagey lay agew, nalnes tan amagaan ira, lapud ataptapew iray lamut da.

Mateo 13:6

Balet nen atagey lay agew, nalnes tan amagaan ira lapud ataptapew iray lamut da.

Oseas 6:4

Balet say Katawan kuanto, “Israel tan Juda, antoy gawaen kod sikayo? Say panangaro yod siak et nanaandipat a singa kakaandipat na kelpad kabwasan; singa linaew a nanaandipat ed kabkabwasan.

Ezekiel 34:18

Saray arum ed sikayo et ag ni apenek ed saray sankaabigan a dika; ginagatinan yo ingen iray ag yo kakanen! Iinomen yo ray malinew a danum tan kikiloten yo ray ag yo iinomen!

Ezekiel 17:9

“Kanyan siak a Katawan a Dios tetepeten ko: Mambilay tan ombaleg kasi yan sengeg na ubas? Ag kasi lamuten na samay ononan agila tan pagpagen to ray bunga to, tan lopak-lopaken to ray sanga to tan paolyan to ran nalenes? Ag la nakaukolan so mapalalon biskeg o makapanyarin bansa a mamagut ed sikato.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

2 Saray Awaran 7:20

ekalen ta kayod dalin ya inter kod sikayo, tan ikaindan ko yan pinasantok a Timplo a sikatoy pangigalangan ed siak. Balawen tan melag-melagen na saray totoo ed inerman a pasen so bansan Israel.

Saray Salmo 37:2

Ag mabayag naandipat iran singa karikaan a namamagaan; ompatey iran singa nalnes a mabunan tanaman.

Saray Hebreo 13:9

Ag yo iyaabuloy ya ibalang kayoy nambabangil tan nidoma-doma ran bangat. Magmaung nin napabiskeg so linawa tayo diad panamegley na baleg a panangaroy Dios, nen say diad panamegley na pangonur ed saray ganggan a nipaakar ed panangan. Anggapoy nagugunggona da ray mangoonur ed sarayan ganggan.

Levitico 14:43

No nabootan lamet imay abung kayarin nakal la ra may bato tan say palitada tan apalitadaan lay balo,

Say Libro nen Job 8:17

Ombabaliber ed saray bato iray lamut da tan ompepeket ira ed balang baton-dampay.