Judas 1:11 - Maung A Balita Biblia

¹¹ Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Maung a Balita Biblia

¹¹ Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Judas 1:11 Referans Kwoze

2 Pedro 2:15

Tinaynan day maptek a dalan tan sikaray abalang; tinombuk day dalan nen Balaam ya anak nen Bosor a nanliket ed kuartan nala to, lapud impanggawa toy kaogsan.

1 Juan 3:12

Ag tayo nepeg ya aligey Cain a mananombuk na Diablo, tan pinatey toy agi to. Akin et pinatey nen Cain so agi to? On a, ta maoges iray gawgawa to, balet maung iray gawgawa na agi to.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Saray Hebreo 11:4

Lapud pananisia, magmaung niy imbagat nen Abel nen si Cain. Lapud pananisia nen Abel, sikatoy nipasen a matonung lapud nala toy maung a linaway Dios ya amirbir ed bagat to. Anggaman ya inatey la, mansasalita ni diad panamegley na pananisia to.

Mateo 11:21

“Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Deuteronomio 23:4

Ag da kayo initdan na kanen tan inomen nen mankukurang kayo a nanlapud Egipto, tan inupaan day Balaam a lakin anak nen Beor, tan taga siudad na Petor na Mesopotamia, ya isamba to kayo.

Saray Bilang 31:16

Nepeg yon nunoten a saray bibii so inmoonur ed saray bilin nen Balaam tan, diad Peor, inggolo da ray totoo ya onsumpad Katawan. Sikatoy makasengeg a dinmalan so salot ed saray totoo na Katawan.

Zacarias 11:17

Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.”

Ezekiel 13:3

Sikato ya so ibabaga na Katawan a Dios: “Pakaskasiy kipapasen da ra yan makulang-kulang a propita! Say dili ran kalakal so oonuren da tan manggagawa ra labat na dilin pasingayew da.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

2 Saray Arari 16:16

Sinumpal nen Urias so ingganggan na ari.