Juan 8:17 - Maung A Balita Biblia

¹⁷ Sakey ni, nisulat ed Ganggan yo a no mantukoyay pantasiy duaran too, tuay pantatasi ra.

Maung a Balita Biblia

¹⁷ Sakey ni, nisulat ed Ganggan yo a no mantukoyay pantasiy duaran too, tuay pantatasi ra.

Juan 8:17 Referans Kwoze

Deuteronomio 19:15

“Kulang so sakey a tasi a mamaneknek a nankasalanan so toon naakusa; duara odino taloran tasi so nakaukolan.

Deuteronomio 17:6

Balet nayari labat a pateyen no walay duara odino dakel nen say duara a mantasin sumpad sikato; ag nepeg a pateyen no saksakey so mantasi.

Saray Hebreo 10:28

Pateyen ya anggapoy panangasi so siopaman ya ag mangonur ed Ganggan nen Moises no, lapud pantasi na duara o talora, et nalmoan a nankasalanan.

Mateo 18:16

Balet no ag to ka dengelen mangitagar kay sakey o duaran totoo, pian napaneknekan na duara o taloran tasi ray amin a pantongtongan yo.

TAGA GALACIA 3:24

Kanyan say Ganggan so bumabangat tayo ya anggad insabi nen Cristo, tan diad ontan nipasen itayon matonung ed arap na Dios diad panamegley na pananisia.

2 CORINTO 13:1

Kumatlo la yan iyakar kod sikayo. “Antokaman a dalem, nepeg a paneknekay duara o taloran tasi,” onung na ibabagay Masanton Sulat.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

TAGA GALACIA 4:21

Tepetan ta ki pa, sikayon malabay a pasakop ed Ganggan: ag yo ta derengeley ibabaga na Ganggan?

1 Juan 5:9

Manisia tayod panagtasi ray totoo; lalon mabiskeg so panagtasi na Dios tan sikato yay panagtasi to nipaakar ed Anak to.

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

Juan 10:34

Inmebat si Jesus, “Ag ta nisulat ed saray Ganggan yo a say Dios kuanto, ‘Sikayo ray diriyos’?

Saray Bilang 35:30

“Say toon naakusa lapud impakapatey toy too et nayari labat a sintinsiaan a nankasalanan tan pateyen diad panamegley na pantasi na duara odino masoluk a duaran too; say sakey a tasi et aliwan magenap a mamaneknek na impakapatey ed sakey a too.