Juan 7:17 - Maung A Balita Biblia

¹⁷ Siopamay maliket a mangonur na linaway Dios, naamtaan to no kasi say ibabangat ko et manlalapud Dios odino manlalapud siak a dili.

Maung a Balita Biblia

¹⁷ Siopamay maliket a mangonur na linaway Dios, naamtaan to no kasi say ibabangat ko et manlalapud Dios odino manlalapud siak a dili.

Juan 7:17 Referans Kwoze

Juan 8:43

Akin et ag yo natatalusay ibabagak? Lapud ag ki ondengel na salitak.

Juan 8:47

Say anak na Dios dedengelen to ray salitay Dios. Aliwa kayon anak na Dios, kanyan ag yo dedengelen iray salita to.”

Saray Gawgawa 17:11

Magmaung ni rad may Judion pitongtongan nen saray taga Tesalonica. Agaylay karerengel da ed ipupulong nen Pablo, tan inagew-agew dan sosokayan so Masanton Sulat, ta labay dan nengnengen no tuay ibabaga nen Pablo.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Lucas 8:15

Saramay ilik a dinmapod mabonan dalin aliling day totoon ondedengel ed salitay Dios, insan da aasikasoen ed matoor tan maung a puso ra, tan pansiasiansiaen dan anggad mambunga ra.”

Saray Salmo 25:12

Saray matoluk ed Katawan et naamtaan dad sikato so dalan a nepeg dan tombuken.

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Saray Salmo 119:10

Lilingkuran ta ka ed intiron pusok; ag mo ak pa aabuloyan ya onsumlang ed saray ganggan mo.

Mateo 6:22

“Say mata so pinagkasilew na laman. Kanyan no anggapoy sakit na matam, naliwawaan met so intiron laman mo.

Oseas 6:3

Salien tayon amtaen so Katawan. Andi-saew ya onsabid sikatayo so Katawan a singa ibubutay na agew no kabwasan, odino singa ipepelag na oran ed tapew na dalin no panaoy nepnep.”

Probirbio 3:32

lapud makapaingungot ed Katawan iray manggagaway kaogsan, balet makapaliket ed sikato iray totoon matonung.

Probirbio 28:5

Saray totoon maoges ag da amta so kabaliksan na inkatonung, balet saray mangigagalang ed Katawan sigput dan natatalusan.

Juan 3:21

Balet siopamay mambilay onung ed katwaan, onsingger ed silew tan diad ontan napatnagan a katotoluk ed Dios iray gagawaen to.

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.